Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
“Televiziya Muğam Müsabiqəsi”inin iştirakçıları Miryusif Mirizadə və Novruz Hüseynov qəzaya düşüb.
Etikxeber.az xəbər verir ki, ağır qəza keçirən xanəndələr vəfat ediblər.
Qeyd edək ki, bu barədə sosial şəbəkələrdə məlumat yayılıb. Xanəndələrin hər ikisi 2015-ci ildə yayımlanan müsabiqədə iştirak edib.
Bərdə rayonunda yol qəzasında öldüyü deyilən xanəndə M. Mirizadənin qətlə yetirildiyi məlum olub.
Bərdə Rayon Prokurorluğundan “Report”un Qarabağ bürosuna verilən məlumata görə, ona 14 bıçaq zərbəsi vurulub.
Hazırda hadisənin törədən şəxs və ya şəxslərin tapılması istiqamətində əməliyyat-axtarış tədbirləri həyata keçirilir.
Eyni zamanda “Mercedes” markalı avtomobilin sahibi olan digər xanəndə N.Hüseynov isə orada olmayıb və hazırda onun da axtarışları aparılır.
Faktla bağlı araşdırma davam etdirilir.
Qeyd edək ki, hər iki şəxs 2015-ci ildə təşkil edilən “Televiziya Muğam Müsabiqəsi”nin iştirakçıları olublar.
***
Ötən gün yol qəzasına düşərək ölməsi barədə məlumat yayılan gənc xanəndə Novruz Hüseynovun meyiti tapılıb.
AzVision.az-ın məlumatına görə, xanəndənin cəsədi bu gün səhər saatlarında Qarabağ kanalında aşkar edilib.
Mərhumun nəşi müayinə olunması üçün müvafiq quruma təhvil verilib. Hazırda faktla bağlı araşdırma davam etdirilir.
Xatırladaq ki, ötən gün N.Hüseynovla birlikdə toy mərasimindən qayıdan xanəndə Miryusif Mirizadənin də bıçaqlanaraq qətlə yetirildiyi məlum olub.
Daha əvvəl isə hər iki xanəndənin yol qəzasında öldüyü barədə məlumat yayılmışdı.
Etikxeber.az