Xanım millət vəkili dünya qadınlarına çağırış etdi: SUSMAYIN! – FOTOLAR

Millət vəkili vəkili Qənirə Paşayeva Qarabağ münaqişəsi ilə bağlı dünya qadınlarına müraciət və çağırış edib.

Etikxeber.az-ın məlumatına görə, millət vəkili bu çağırış və müraciəti Beynəlxalq Qadın tədbiri çərçivəsində Afrikanın qadın millət vəkilləri, siyasi-ictimai xadimləri, fəal iş xanımları, təşkilat rəhbərləri ilə görüşündə səsləndirib.

Millət vəkili görüşdə Qarabağ həqiqətləri və reallıqları barədə geniş məlumatlar verərək, afrikalı xanımlar daxil olmaqla, dünya qadınlarını Ermənistanın 31 ildən artıqdır davam edən işğaçılıq və təcavüzkarlıq siyasətinə, bu ölkənin dövlət səviyyəsində həyata keçirdiyi terrorizmə səssiz qalmamağa, haqq səslərini ucaltmağa səsləyib.

Millət vəkili deyib ki, dünyanın harasında yaşamasından asılı olmayaraq bütün qadınlar, xüsusilə də, beynəlxalq aləmdə nüfuzlu qadınlar Ermənistanın törətdiyi vandalizm aktlarına, körpə uşaqları qətlə yetirməsinə, yüz minlərlə azərbaycanlı qadının illərdir pozulmaqda davam edən fundamental insan haqlarına laqeyd, seyrçi qalmamalı və buna qarşı öz etiraz səsini ucaltmalıdır.

“Artıq Ermənistana “dur” deyilməli, işğalçılıq və təcavüzkarlıq siyasətindən geri çəkdirilməli, ona haqq etdiyi və layiq olduğu yeri tanıdılmalıdır. Ermənistanın işğalçılıq, təcavüzkarlıq siyasəti, terrorçuluq, vandalizm hərəkətləri artıq dünya birliyi tərəfindən öz layiqli cavabını və cəzasını almalıdır. Bu məsələdə dünyanın fəal qadınlarının da üzərinə məsuliyyət düşür, onlar da bu məsələdə, yəni, haqq-ədalətin bərpa olunmasında dəstəklərini əsirgəməməlidirlər”-deyə, Q. Paşayeva sonra vurğulayıb.

45697937_1731496693629029_4131761351955578880_n

46045307_1731496800295685_662962050774859776_n

Etikxeber.az

 

Read Previous

Eriksen “ilin ən yaxşı”sı seçildi

Read Next

Malayziya kralsız qaldı…

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir