YAP Gəncə şəhər təşkilatı “Mobilografiya” onlayn təliminə-START VERDİ

Yeni Azərbaycan Partiyasının (YAP) Gəncə şəhər təşkilatı “Mobilografiya” onlayn təliminə start verir.

Bu haqda Etikxeber.az-a təşkilatın sədri, millət vəkili Naqif Həmzəyev məlumat verib.

O, qeyd edib ki, iyul ayının 24-də saat 12:00-da start götürəcək təlimin keçirilməsində əsas məqsəd fotoreportyorluq sənətinin inkişafına təkan vermək, bu sahədə mövcud təcrübəni genişləndirmək, gənclərin bacarıqlarını üzə çıxarmaqdır.

“Təlimdə mobilografiya, mobil telefonlarda güclü təsir bağışlayan fotoşəkillərin çəkilməsinin sirləri iştirakçılara çatdırılacaq. Qeyd edək ki, təlim tanınmış və peşəkar foto-jurnalist Jeyhun Abdulla tərəfindən aparılacaq. Təlimdə iştirak etmək istəyən Yeni Azərbaycan Partiyasının üzvləri qeydiyyatdan keçməklə təlimdə iştirak edə bilərlər”-deyə, millət vəkili əlavə edib.

Etikxeber.az