Ziyafət Əsgərovun “Dairəsi”ndən olan namizəd-MSK-NIN ÖNÜNDƏ ETİRAZA BAŞLAYIB…

Bu ilin fevralın 9-da keçirilən növbədənkənar parlament seçkilərində 76 saylı Lənkəran-Astara seçki dairəsindən deputatlığa namizəd Xalid Bağırov Mərkəzi Seçki Komissiyasının inzibati binasının qarşısında etiraz edir.

Etikxeber.az-ın Pravda.az-a istinadən xəbərinə görə, X.Bağırov MSK-ya ünvanlanan şikayətlərə baxılmadığını bildirir.

“Biz tələb edirik ki, Mərkəzi Seçki Komissiyasının nümayəndələri aşağı düşsün və bizə məlumat versinlər, şikayətə niyə baxmırlar. Tələbimiz yerinə yetirilməyənə qədər hər gün saat 15:00-da MSK-nın qarşısına gələcəyik. Pozulan haqqımızın bərpasını tələb edirik” – deyə, X.Bağırov qeyd edib.

Qeyd edək ki, MSK həmin Dairədən birinci vitse-spiker Ziyafət Əsgərovu qalib elan edib.

Etikxeber.az