Əfsanəvi Xüsusi Təyinatlı, Aprel döyüşləri və İkinci Vətən Müharibəsinin iştirakçısı, evin-ailənin tək övladı, iki övladı Vətənə əmanət qalan-KÜRDƏMİRLİ “QİSAS” ƏMƏLİYYATI ŞƏHİDİ NƏZƏR ƏZİZOVUN CƏNNƏTDƏKİ İKİNCİ DOĞUM GÜNÜDÜR, 33 YAŞI TAMAM OLUR… – FOTOLAR – YENİLƏNİB – (1)

Kürdəmir rayonunun “Qisas” əməliyyatı Şəhidi Nəzər Ağacəli oğlu Əzizovun doğum günüdür.

Nəzər Əzizovun bu gün 33 yaşı tamam olur və bu, həm də Şəhidin Cənnətdəki ikinci doğum günü, mövlududur.

Cənnətdəki ikinci doğum günü ilə bağlı bu gün səhər saatlarında Şəhidin Kürdəmir Şəhidlər Xiyabanındakı məzarı ziyarət olunub.

Məzarı üzərinə gül dəstələri düzülüb, əklil qoyulub.

Ruhuna dualar olunub, “Quran” oxunub, qısa çıxışlar edilib.

Şəhidin keçdiyi 31 illik qısa, lakin şərəfli həyat, hərb və döyüş yolundan, İgidliyi və Qəhrəmanlığından danışılıb, ailəsinə Allahdan səbr və dözüm arzulanıb, Cənnətdəki dördüncü doğum günü təbrik olunub.

Ziyarətdən sonra isə Dəyirmanlı kəndində-Şəhidin ocağında Cənnətdəki ikinci doğum günü ilə bağlı məclis düzənlənib, adına ehsan süfrəsi açılıb, bir daha ruhuna dualar edilib.

Məzarını ziyarətdə və Anım mərasimində Şəhidin ailə üzvləri, Kürdəmirli Şəhid ailələri, Qazilər, hərbçilər, yerli ziyalılar, Kürdəmir rayon İcra Hakimiyyətinin məsul şəxsləri, din xadimləri və digər şəxslər iştirak ediblər.

Etikxeber.az xəbər verir ki, Nəzər Əzizov 1991-ci ilin avqust ayının 28-də Kürdəmir rayonunun Dəyirmanlı kəndində dünyaya gəlib.

Ailənin tək-yeganə oğlan övladı olub.

Orta məktəbi bitirdikdən, həqiqi hərbi xidmətini başa vurduqdan sonra yenidən həyatını Ordu, hərb ilə bağlayıb, Gizirlik kursunu bitirib, Xüsusi Təyinatlı Qüvvələrdə (XTQ) fəaliyyət göstərib.

2016-cı ilin Aprel döyüşlərində və İkinci Vətən Müharibəsində-Xocavənd, Füzuli və Cəbrayıl istiqamətlərində gedən döyüşlərdə iştirak edib, bir sıra qəhrəmanlıqlara imza atıb.

İkinci Qarabağ Savaşından sonra Ali Baş Komandan tərəfindən 4 medalla təltif olunub.

2022-ci ilin sentyabr ayının 12-dən 13-nə keçən növbəti erməni təxribatı nəticəsində baş verən qanlı döyüşlər-“Qisas” əməliyyatı zamanı Şəhidlik zirvəsinə ucalıb.

Nəşi 14 sentyabr tarixində Kürdəmir rayon Şəhidlər Xiyabanında Əbədiyyətə uğurlanıb.

Şəhidliyindən sonra “Vətən uğrunda” medalı və 3-cü dərəcəli “Rəşadət” ordeni ilə təltif olunub.

31 yaşında Şəhdlik zirvəsinə ucalan Nəzər Əzizov həm də ailəli, iki övlad atası olub.

Uğur və İnci adlı övladları ailəsinə, Vətənə əmanət qalıb.

Dəyirmanlı kəndində adını daşıyan küçə var.

Məkanı cənnətlik, Cənnətdəki ikinci doğum günü mübarək olsun!

Nur içində yatsın!

13:30

***

FOTOLAR: