Əfv Komissiyası 850-dək müraciətə baxdı

Bu gün Azərbaycan Respublikasının Prezidenti yanında Əfv Məsələləri Komissiyasının növbəti iclası keçirilib.

Etikxeber.az-ın məlumatına görə, komissiyanın üzvü Mehdi Mehdiyev APA-ya açıqlamasında bildirib ki, iclasda 120 müraciətə baxılıb.

O, indiyədək keçirilən iclaslarda ümumilikdə 850-yə yaxın müraciətə baxıldığını deyib.

Qeyd edək ki, Novruz Bayramı ərəfəsində əfv sərəncamının imzalanacağı gözlənilir.

Həmin vaxta qədər daha bir neçə iclasın keçiriləcəyi, iclaslarda 800-dən çox müraciətə baxılacağı bildirilir.

Etikxeber.az