Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Azərbaycan Respublikasının Prezidenti yanında Dövlət İdarəçilik Akademiyası 6 kafedrada vakant vəzifələri tutmaq üçün müsabiqə elan edib.
Etikxeber.az-ın xəbərinə görə, həmin kafedralar bunlardır:
- Politologya və siyasi idarəetmə kafedra müdiri
- Dövlət qulluğu və kadr siyasəti kafedra müdiri
- Beynəlxalq münasibətlər və xarici siyasət kafedra müdiri
- Dövlət idarəetməsi və menecment kafedra müdiri
- Fəlsəfə və sosial psixologiya kafedra müdiri
- Dillər kafedra müdiri
Müsabiqədə bu istiqamətlər üzrə elmlər doktoru və fəlsəfə doktoru elmi dərəcəsi olan şəxslər iştirak edə bilərlər.
Qeyd edək ki, burada, bu elanda ilk baxışdan qeyri-adi görünəcək hansısa məsələ-məqam yoxdur.
Hər bir ali məktəbdə rast gəlinən, baş verən məsələ və ya məsələlərdir.
Amma…Məsələnin ilginc və maraqlı tərəfi odur ki, iki kafedranın rəhbəri ölkənin tanınmış, məşhur simalarıdır.
Biri Prezident Admninistrasiyasının (PA) sabiq rəhbəri, akademik, AMEA-nın prezidenti Ramiz Mehdiyev, digəri isə professor, Prezidentin İctimai-siyasi məsələlər üzrə sabiq köməkçisi Əli Həsənovdur.
R. Mehdiyev “Dövlət qulluğu və kadr siyasəti”, Ə. Həsənov isə “Beynəlxalq münasibətlər və xarici siyasət” kafedrasının müdiridir.
Ə. Həsənov 2000-ci ildən, R. Mehdiyev isə 1990-ci illərdən kafedra müdiri vəzifəsini tutur.
Bir çoxları bunun təsadüf olmadığını, hakimiyyətin “gözündən düşmüş” həmin şəxslərlə tam “üzülüşmə” prosesinin tərkib hissə olduğunu bildirirlər.
Bu baxımdan, hər iki şəxsin təkrar kafedra müdirləri seçilməsi və ya namizədliklərini yenidən irəli sürməsi qəliz, çətin görünür.
Məsələni izləməkdə, oxucularımızı məlumatlandırmaqda davam edəcəyik.
Kamil HƏMZƏOĞLU
Etikxeber.az