Əmək pensiyaları ilə bağlı qanun dəyişdirilir…

… Və 25 il stajı olmayanlar da əmək pensiyası ala biləcək

“Əmək pensiyaları haqqında”  qanunun 20-ci maddəsinə (Qulluq stajına görə əmək pensiyasına əlavələr) dəyişiklik təklif edilir.

Etikxeber.az xəbər  verir ki, bu barədə məsələ Milli Məclisin  bu gün keçirilən plenar iclasında müzakirəyə çıxarılıb və məsələ barədə parlamentin Əmək və sosial siyasət komitəsinin sədri Hadi Rəcəbli məlumat verib.

O, qeyd edib ki, qanuna yeni 20.30-cu maddə əlavə edilir.

Yeni dəyişikliyə görə  (20.30) ,  “Əmək pensiyaları haqqında”  qanunun 20-ci maddəsində nəzərdə  tutulan şəxslərin əmək pensiyalarına qulluq stajına görə əlavə hesablanarkən əməkhaqqına, dövlət məvacibinə və vəzifə maaşına büdcədənkənar vəsaitlər hesabına verilən ödənişlər nəzərə alınmayacaq.

H. Rəcəbli bildirib ki, bir müddət öncə “Pensiyalar haqqında” qanuna edilən dəyişikliyə görə, 25 il iş stajına malik olmayan şəxslər pensiyaya çıxanda pensiya ala bilmirdilər: “Hər hansı bir adam 64 yaşına çatırdı və 25 il iş stajı olmadığına görə əmək pensiyası ala bilmirdi. İndi isə çox mühüm addım atılır. Artıq bu hədd aradan qaldırılıb və yüz minlərlə insan bundan yararlanacaq”.

Deputat Vahid Əhmədov  isə çıxışında qeyd edib ki, əvvəlcə “Pensiyalar haqqında” qanuna yenidən baxılıb dəqiqləşdirilməsini təklif edib. O həmçinin əlavə edib ki, hazırda insanları əsas maraqlandıran yaşayış minumumudur:

“Amma bizim qanunda “ehtiyac meyarı” anlayışı var. Beynəlxaql iqtisadiyyatda ehtiyac meyarı anlayışı yoxdur. Vaxtilə bizim president administrasiyası bu anlayışı Ünvanlı Sosial Yardım alanlar üçün nəzərdə tutmuşdu. Güman edirəm ki,  nazir təzədir və bu məsələ həllini tapacaq”.

Kamil HƏMZƏOĞLU

Etikxeber.az

 

 

 

 

Read Previous

“Baba, nənə ilə yaşayan nəvələr ailə üzvləri sırasında qeyd olunmur…” – MİLLƏT VƏKİLİ

Read Next

Deputatlatr ayın 30-da daha 5 məsələni müzakirə edəcək

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir