Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Cəmi saatlar öncə, 6 mart tarixində daha bir İkinci Vətən Müharibəsi iştirakçısı, daha bir Vətən sevdalısı ilə tanış oldum…
Daha bir İkinci Vətən Müharibəsi Qazisi ilə bir araya gəldim…
Əslən Xocalıdan olan, özü isə Bərdədə dünyaya gələn Elvin Rasim oğlu Cavadovla…
2000-ci ilin 31 avqust tarixində anadan olan 23 yaşlı Elvinlə işlədiyi məkanda, Bərdə Müalicə Diaqnostika Mərkəzində tanış oldum…
Adıçəkilən Mərkəzin təhlükəsizlik xidmətinin əməkdaşlarından biridir…
Çox tərbiyəli, çox mədəni, olduqca sadə və təvazökar bir oğlandır Elvin Cavadov…
Onunla tanışlığımızdan da çox məmnun və razı qaldım…
Elvin Azərbaycan Ordusunun Əsgəri kimi 20 yaşında Vətəninin, doğma Qarabağının murdar erməni tapdağından, işğaldan azad edilməsində, İkinci Vətən Müharibəsində iştirak edib…
Özü də müharibənin ilk günündən son gününəcən…
Füzülidən, Cəbrayıldan, Xocavənddən düz Şuşayacan şərəfli döyüş yolu keçib…
Həm də noyabrın 8-də-Şuşa şəhəri azad olunan gün Şuşada İsa bulağına müqəddəs üçrəngli Azərbycan bayrağını sancan məhz Elvin olub…
İkinci Vətən Müharibəsindən, tarixi Qələbəmizdən sonra isə “Xocavəndin azad olunmasına görə” və “Vətən Müharibəsi iştirakçısı” medalları ilə təktif olunub…
Ancaq uzun və şərəfli döyüş yolu keçən, ölümlərdən dönən Vətən sevdalısı Elvin daha çox medal Haqq edir…
Çünki qeyd etdiyimiz kimi bir neçə rayonun, o cümlədən tarixi Şuşa şəhərinin azad olunmasında iştirak edib…
Ona görə yaxşı olardı ki, Elvin Cavadov Haqq etdiyi digər medallara da təqdim edilsin və Haqqı olan digər medallarla da təltif olunsun…
Və inanırıq, əminik ki, belə də olacaq, Elvin Cavadov Haqq etdiyi medallarla təltif olunacaq!
Allah qorusun, Vətən sevdalısı Elvin Cavadovu!
Böyük Yaradan hər daim Yar və Yardımçısı olsun!
FOTOLAR:
Kamil HƏMZƏOĞLU (HƏMİDOV)
Etikxeber.az
