Sabah Cənnətdəki üçüncü doğum günü olan-İSMAYILLILI İKİNCİ VƏTƏN MÜHARİBƏSİ ŞƏHİDİ VÜSAL DƏMİROVUN XATİRƏSİNƏ HƏSR OLUNMUŞ CÜDO TURNİRİ KEÇİRİLDİ… – FOTOLAR – YENİLƏNİB

9 sentyabr 2023-cü il tarixində İsmayıllı Olimpiya-İdman Kompleksində sabah Cənnətdəki üçüncü doğum günü olan İkinci Vətən Müharibəsi Şəhidi Vüsal Dəmirovun xatirəsinə həsr olunmuş cüdo üzrə ənənəvi turnir keçirilib.

Turnir Gənclər və İdman Nazirliyinin Dağlıq Şirvan Regional Gənclər və İdman İdarəsi tərəfindən təşkil olunub.

Etikxeber.az xəbər verir ki, öncə Şəhidlərin və mərhum dövlət başçısı Heydər Əliyevin xatirəsi bir dəqiqəlik sükutla yad olunub, Dövlət himni səsləndirilib.

Sonra qısa çıxışlar edilib, Şəhid anaları və digər şəxslər çıxış ediblər.

Şəhid Vüsal Dəmirovun anası Nüşabə Dəmirova övladı ilə Fəxr etdiyini, Qürur duyduğunu bildirib.

Eyni zamanda, turnirin təşkilinə görə Dağlıq Şirvan Regional Gənclər və İdman İdarəsi və İsmayıllı rayon rəhbərliyinə minnətdarlığını bildirib.

Şəhid anası çıxışında bundan sonra bir daha müharibənin olmamaasını, ailələrə acı xəbərlərin gəlməməsini, Şəhid verilməməsini arzulayıb.

Çıxışlardan sonra turnir başlayıb.

İsmayıllı, Qəbələ və digər bölgələrdən olan idmançı uşaqlar və yeniyetmələr yarışıblar.

İki saata yaxın davam edən turnirin sonunda yarışın qalibləri medallarla təltifləndirilib.

13:20

***

FOTOLAR:

Kamil HƏMZƏOĞLU (HƏMİDOV)

Etikxeber.az