Əbədiyyətə uğurlanmasının birinci ildönümü, Anım Günü ilə bağlı bu gün səhər saatlarında Bərdə rayonunun Təhlə kəndindən olan İkinci Vətən Müharibəsinin iştirakçısı, Xüsusi Təyinatlı, ailənin iki oğlan övladından biri, subay, orden və bir neçə medallı Namiq Ağəmməd oğlu Məmmədlinin Bəcirəvan kəndində məzarı ziyarət olunub.
Məzarı üzərinə gül dəstələri düzülüb, ruhuna dualar oxunub, Şəhid ailələri, Qazilər, yerli ziyalılar və din xadimləri tərəfindən çıxışlar edilib, məktəblilər tərəfindən Vətənə, Şəhidlərə həsr olunmuş şeirlər səsləndirilib.
Kövrək, duyğulu, təsirli anlar yaşanıb.
Etikxeber.az xəbər verir ki, Şəhidin məzarını bir saat çəkən ziyarətdən sonra ailəsinin yaşadığı Təhlə kəndində Anım mərasimi keçirilib, adına ehsan süfrəsi açılıb.
Mərasimdə Şəhidlərin xatirəsi bir dəqiqəlik sükutla yad olunub, bir daha qısa çıxışlar olunub, bir daha Şəhidin ruhuna dualar oxunub.
Şəhid ailəsinə Allahdan səbr və dözüm arzulanıb.
Şəhidin məzarını ziyarətdə və Anım mərasimində ailə üzvləri, yaxınları, kənd sakinləri, Bərdəli və Tərtərli Şəhid ailələri, Qazilər, müəllim və şagirdlər, din xadimləri, yerli ziyaılar, Bərdə rayon İcra Hakimiyyətinin rəhbər və məsul şəxsləri iştirak ediblər.
Şəhidin məzarını ziyarət və Anım mərasimindən fotoları təqdim edirik:
***
Kamil HƏMZƏOĞLU (HƏMİDOV)
Etikxeber.az
