Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Qobustan rayonunun İkinci Vətən Müharibəsi Şəhidlərindən olan evin-ailənin beş övladından biri, beş övlad atası, peşəkar hərbçi, Əfsanəvi Xüsusi Təyinatlı, Vətən Müharibəsi Qəhrəmanı Elyar Arif oğlu Vəliyevin Cənnətdəki dördüncü doğum günündə, 33 yaşının tamamında-17 oktyabr 2024-cü il tarixində-səhər saatlarında Sədəfli kənd qəbiristanlığındakı məzarı ziyarət olunub.
Məzarı üzərinə gül dəstələri düzülüb, ruhuna dualar edilib, “Quran” oxunub.
Etikxeber.az xəbər verir ki, Şəhidin məzarını ziyarətdən sonra ailəsinin yaşadığı evdə-ata ocağında Cənnətdəki dördüncü doğum günü ilə bağlı məclis düzənlənib, adına ehsan süfrəsi açılıb.
Öncə Şəhidlərin xatirəsi bir dəqiqəlik sükutla yad olunub, Dövlət himni səsləndirilib.
Telejurnalist Səbinə Mehdiyevanın aparıcılıq etdiyi məclisdə bir daha Şəhidin ruhuna dualar olunub, çıxışlar edilib.
Çıxışlarda Şəhidin keçdiyi 29 illik qısa, lakin şərəfli həyat, hərb və döyüş yolundan söz açılıb, Vətən naminə fədakarlığından bəhs olunub.
Ailəsinə Allahdan səbr və dözüm arzulanıb, Cənnətdəki dördüncü doğum günü təbrik olunub.
Eyni zamanda, “Dəmir yumruq” Alfa-A Cəmiyyətinin sədri Ülviyyə Vasifqızı tərəfindən Şəhidin ailəsinə fəxri diplom təqdim olunub.
Bununla yanaşı, Lerikli Şəhid İmaməli İbrahimovun ailəsi adından Elyar Vəliyevin valideynlərinə üzərində Şəhidin şəkli olan xalça hədiyyə olunub.
Xalçanı “Odlar yurdu” qrupunun üzvü Azər Hüseynov təqdim edib.
Qeyd edək ki, Şəhidin məzarını ziyarətdə və Cənnətdəki dördüncü doğum günü ilə bağlı məclisdə ailə üzvləri, “Əfsanəvi tabor”un Şəhidlərinin ailələri, Qobustan, Ağsu, Bərdə, Ağdam, İmişli, Goranboy, Daşkəsən, Tərtər və digər bölgələrdən olan Şəhid ailələri, Əfsanəvi Xüsusi Təyinatlılar-Qazilər, hərbçilər, millət vəkili Şahin Seyidzadə, Adil Məmmədov başda olmaqla, Qobustan rayon İcra Hakimiyyətinin rəhbər və məsul şəxsləri, ziyalılar, din xadimləri və digər şəxslər iştirak ediblər.
Məkanı cənnətlik, Cənnətdəki dördüncü doğum günü mübarək olsun!
Nur içində yatsın!
***
FOTOLAR:
***
Kamil HƏMZƏOĞLU (HƏMİDOV)
Etikxeber.az
