Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Dünən, 24 noyabr sonuncu-16 noyabr 2021-ci il Şəhidlərimizdən olan Elmin Samir oğlu Əlizadənin yeddisiydi, yeddi mərasimiydi…
Ailəsini bir neçə gün öncə Mingəçevir şəhər Şəhidlər Xiyabanında Şəhidin məzarı başında görmüş, yaxınlaşıb atasına başsağlığı vermişdim…
Dünən, yeddisində də ailəsi məzarı başındaydı, anası fəryad edirdi…
Sözün bitdiyi yer idi…
Dünən axşam saatlarında isə Şəhid analarından Simuzər xanım və Maya xanımla (və oğlu ilə) birlikdə Şəhidin yeddi mərasiminə, ailəsinin yaşadığı “QRES” qəsəbəsinə getdik…
Bir daha ailəsinə başsağlığı verdik, bir daha acılı, kədərli, dərdli Şəhid ailəsinə səbr dilədik, bir daha “Şəhidimizin məkanı cənnətlik olsun!”-dedik…
Bir qədər gecə olduğu üçün ziyarətimiz yarım saat çəkdi…
Çünki başqa Şəhid ailələrini də ziyarət edəcəkdik…
***
Elmin ailənin iki övladından biri, tək oğlu, böyük övladı idi…
2003-cü ildə dünyaya gəlmişdi…
Və 8 ayın Əsgəri idi…
3 ayını Gəncədə, 5 ayını isə Laçında çəkmişdi…
8 ayı qalmışdı…
Və noyabrın 16-da Laçın istiqamətində də dünyasını dəyişdi, qəhrəmancasına həlak oldu, Şəhidlik zirvəsinə ucaldı…
Daha bir ailənin ocağına od düşdü, daha bir ailə övladı acısı yaşadı, yaşamaqdadıdır…
18 yaşlı Şəhidimizin, Nur üzlü Elminimizin məkanı cənnətlik olsun, Nur içində yatsın!
Allah ailəsinə səbr versin!
Fəxrimiz, Qürurumuzdur!
Ruhu qarşısında baş əyirik!
Kamil HƏMZƏOĞLU (HƏMİDOV)
Etikxeber.az
