Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Biləsuvar rayonunun İkinci Vətən Müharibəsi Şəhidlərindən olan Elməddin Sübhi oğlu Əlizadənin doğum günüdür.
Elməddin Əlizadənin bu gün-11 mart 2026-cı il tarixində 29 yaşı tamam olur.
Bu, həm də Şəhidin Cənnətdəki altıncı doğum günüdür.
Etikxeber.az xəbər verir ki, Elməddin Əlizadə 1997-ci ilin mart ayının 11-də Biləsuvar rayonunun Zəhmətabad kəndində dünyaya gəlib.
Ailənin dörd övladından, iki qardaşdan biri olub.
Subay idi.
2003-2014-cü illərdə Ənvər Rəhmətov adına Zəhmətabad kənd tam orta məktəbində oxuyub.
Orta məktəbi bitirdikdən, 18 yaşını tamanladıqdan sonra Əsgərliyə yollanıb, 2015-2016-cı illərdə həqiqi hərbi xidmətdə olub, Vətənin keşiyində dayanıb.
Azərbaycan Ordusunun Əsgəri kimi 2016-cı ilin Aprel döyüşlərində iştirak edib.
Əsgərliyini başa vurduqdan sonra evinə-ailəsinə dönüb, işləyib, çalışıb.
İkinci Vətən Müharibəsinə isə könüllü qatılıb.
Füzuli, Xocavənd və Şuşa istiqamətlərində döyüşüb.
Şuşada qəhrəmancasına Şəhidlik məqamına ucalıb və nəşi noyabrın 9-da Zəhmətabad kənd qəbiristanlığındakı Şəhidlər Xiyabanında Əbədiyyətə uğurlanıb.
Şəhidliyindən sonra 3 medalla və 3-cü dərəcəli “Vətənə xidmətə görə” ordeni ilə təltif olunub.
Zəhmətabadda adını daşıyan küçə var.
Məkanə cənnətlik, Cənnətdəki altıncı doğum günü mübarək olsun!
Nur içində yatsın!
Kamil HƏMZƏOĞLU (HƏMİDOV)
Etikxeber.az
