1993-cü ilin oktyabrın 14-də dünyaya gəldi, ad günündə, 2020-ci ilin oktyabrın 14-də Şəhid oldu-BALAKƏNLİ, 3 MEDALLI HEYBULLAH ƏSDİYEVİN ŞƏHİDLİYİNDƏN 11 AY KEÇİR… – FOTOLAR

Bu gün, 14 sentyabr tarixində Balakənin İkinci Vətən Müharibəsi Şəhidlərindən olan Heybullah Məzahir oğlu Əsdiyevin Şəhidliyindən 11 ay keçir.

Etikxeber.az xəbər verir ki, Heybullah Əsdiyev Balakənin Qaysa kəndində, sadə, zəhmətkeş bir ailədə dünyaya gəlib.

Evin-ailənin iki oğlan övladından, iki qardaşdan biri olub.

Hər iki qardaş həm də subay olublar.

1993-cü ilin oktyabrın 14-də dünyaya gələn Heybullah İkinci Vətən Müharibəsinin iştirakçılarından olub.

O, özü könülü şəkildə səfərbərliyə müraciət edib, İkinci Vətən Müharibəsinin ilk günlərindən, ilk anlarından da cəbhənin ən ağır nöqtələrindən, bölgələrindən olan Talış, “Ağuçuq”, Suqovuşan istiqamətlərində olub, döyüşüb.

Və elə dünyaya gəldiyi tarixdə, 27 yaşının tamam gündə, 2020-ci ilin oktyabrın 14-də Heybullah Suqovuşan istiqamətində ağır döyüşlər zamanı qəhrəmancasına həlak olub, Şəhidlik məqamına ucalıb.

Nəşi 4 gün sonra doğlulub boya-başa çatdığı Qaysa kənd qəbiristanlığında dəfn edilib.

Ölümündən sonra “Vətən uğrunda”, “Suqovuşanın azad olunmasına görə” və “Cəsur döyüşçü” medalları ilə təltif olunub.

Nur içində yatsın, məqamı ucalardan Uca olsun!

Allah ailəsinə, əzizlərinə səbr versin!

Kamil HƏMZƏOĞLU (HƏMİDOV)

Etikxeber.az

Read Previous

Millət vəkili yenidən seçicilərinin arasında-JALƏ ƏLİYEVA “AZƏRİQAZ” VƏ “AZƏRİŞIQ”-IN RƏHBƏRLİYİ İLƏ ƏLAQƏ SAXLADI VƏ… – FOTOLAR – YENİLƏNİB – (1)

Read Next

İcazəmiz olmadan Rusiya sülhməramlılarının nəzarətində olan ərazilərimizə daşınan heç bir yükə buraxılış verilməməlidir-MİLLƏT VƏKİLİ

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir