Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
1998-ci il oktyabrın 11-də Azərbaycanda növbəti prezident seçkiləri keçirilib.
Etikxeber.az xəbər verir ki, 1998-ci ilin prezidenti seçkiləri – Azərbaycan Respublikası Prezidenti postuna keçirilən 4-cü rəsmi seçkilərdir.
Seçkilərdə 3,358,465 seçici iştirak edib.
Seçkilərdə dövlət başçısı, Yeni Azərbaycan Partiyasının (YAP) prezidentliyə namizədi mərhum Heydər Əliyev səslərin 77.6%-ini (2,556,059 səs) toplayaraq qələbə qazanıb, ikinci dəfə prezident seçilib, növbəti 5 il üçün prezident səlahiyyətlərinin icrasına başlayıb.
Seçkilərdə ikinci yeri AMİP-in sabiq sədri Etibar Məmmədov (Hüsənli), üçüncü yeri akademik, Müstəqil Azərbaycan Partiyasının (MAP) sədri mərhum Nizami Süleymanov, dördüncü yeri Azərbaycanda fəaliyyət göstərən kommunist partiyalarından birinin rəhbəri Firudin Həsənov, beşinci yeri “Qeyrət” Partiyasının sədri mərhum Əşrəf Mehdiyev və altıncı-sonuncu yeri professor, millət vəkili, Sosial Rifah Partiyasının (ASRP) sədri Xanhüseyn Kazımlı tutub.
Qeyd edək ki, o vaxt H. Əliyevin müraciətinə rəğmən “Beşlər” formatında birləşən liderlər – sabiq prezident, AXCP sədri mərhum Əbülfəz Elçibəy, “Müsavat”ın eks başqanı, sabiq spiker İsa Qəmbər, Liberal Partiyasının (ALP) sədri, eks dövlət katibi Lalə Şövkət, o cümlədən, həmin vaxt ADP-nin həmsədrləri olan İlyas İsmayılovla Rəsul Quliyev seçkilərə qatılmamışdılar.
Namizəd | Partiya | Səslər | % |
---|---|---|---|
Heydər Əliyev | Yeni Azərbaycan Partiyası | 2,556,059 | 77.8% |
Etibar Məmmədov | Azərbaycan Milli İstiqlal Partiyası | 389,662 | 11.8% |
Nizami Süleymanov | Müstəqil Azərbaycan Partiyası | 270,709 | 8.2% |
Firudin Həsənov | Azərbaycan Kommunist Partiyası | 29,244 | 0.9% |
Əşrəf Mehdiyev | Qeyrət Partiyası | 28,809 | 0.9% |
Xanhüseyn Kazımlı | Azərbaycan Sosial Rifah Partiyası | 8,254 | 0.3% |
Heç bir namizədə səs verməyənlər | 10,910 | 0.3% | |
Qeydə alınmayan səslər | 64,818 | – | |
Ümumi | 3,358,465 | 100% |
K. HƏMZƏOĞLU
Etikxeber.az