24 yaşı tamam olan Şəhid Ərəstun Xıdırovun Cənnətdəki ikinci ad günü: MƏZARI BAŞINDA VƏ MÖVLUDUNDA DUYĞULU ANLAR YAŞANDI…-FOTOLAR – YENİLƏNİB

Bu gün, 18 mart tarixində Bərdənin İkinci Vətən Müharibəsi Şəhidlərindən olan ailənin 3 övladından biri, MAXE, 3 medallı, 24 yaşlı, subay Ərəstun Arif oğlu Xıdırovun Cənnətdəki ikinci ad günü ilə bağlı Bərdə Şəhidlər Xiyabanındakı məzarı ziyarət olunub.

Etikxeber.az xəbər verir ki, 1998-ci ilin 18 mart tarixində BərdəXıdırovlar ailəsində dünyaya gələn Ərəstun Xıdırovun məzarı üzərinə gül dəstələri düzülüb, ruhuna dualar oxunub.

Bir saata yaxın davam edən ziyarətdə Şəhidin valideynləri-Arif və Səidə Xıdırovlar, digər ailə üzvləri, yaxınları, Bərdədən və başqa bölgələrdən olan Şəhid ailələri, Qazilər, hərbçilər, din xadimləri, Bərdə rayon İcra Hakimiyyətinin məsul şəxsləri iştirak ediblər.

Ziyarətdən sonra “Leyli” şadlq sarayında 3 saata yaxın davam edən mərasim keçirilib.

Ərəstun Xıdırovun Cənnətdəki ikinci ad günü ilə bağlı mərasimdə Şəhidlərin xatirəsi bir dəqiqəlik sükutla yad olunub, Dövlət himni səsləndirilib, dini mahnılar, İlahilər ilfa edilib.

Eyni zamanda, çıxışlar edilib, Şəhidin valideynləri ziyarət və mərasim iştirakçılarına minnətdarlıqlarını ifadə ediblər.

Bununla yanaşı, Şəhidin adına ehsan süfrəsi açılıb.

Qeyd edək ki, həm məzarının ziyarəti, həm də Cənnətdəki ikinci ad günü ilə bağlı mərasimdə duyğulu, təsirli anlar yaşanıb.

Cənnətdəki ikinci ad günü, 24 yaşı mübarək olsun!

Nur içində yatsın!

14:55

***

Etikxeber.az ziyarət və mərasimdən fotoları təqdim edir:

Etikxeber.az

Read Previous

19 yaşının tamamında, Cənnətdəki ilk ad günündə-ŞƏHİD ELMİN ƏLİZADƏNİN MƏZARI ZİYARƏT OLUNDU, MƏRASİM DÜZƏNLƏNDİ – FOTOLAR – YENİLƏNİB – (1)

Read Next

ABŞ Ukraynada vəziyyətin gərginləşməsinin qarşısını almaq üçün Çinlə-DİALOQU DAVAM ETDİRMƏYƏ HAZIRDIR

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir