Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün-26 sentyabr 2024-cü il tarixində, saat 11:00-da Bakılı Antiterror Şəhidlərindən olan ailənin iki övladından biri, evin tək oğlu, tək bacının qardaşı, peşəkar hərbçi, bir övladı Vətənə əmanət qalan İkinci Vətən Müharibəsi iştirakçısı Mikayıl Vüqar oğlu Həmidliyə həsr olunmuş Anım tədbiri keçirilib.
Anım tədbiri Binəqədi rayonunda yerləşən 248 saylı tam orta məktəbdə baş tutub.
Etikxeber.az xəbər verir ki, tədbirdə öncə Şəhidlərin xatirəsi bir dəqiqəlik sükutla yad olunub, Dövlət himni səsləndirilib.
Sonra Şəhidlə bağlı videoçarx nümayiş etdirilib.
Çıxışlar edilib.
Çıxışlarda tarixi 23 saatlıq Antiterror əməliyyatından, Şəhidlərimizin, o cümlədən Mikayıl Həmidlinin İgidliyi və Qəhrəmanlığından, Vətən naminə fədakarlığından bəhs edilib.
Tədbirdə eyni zamanda, məktəblilər tərəfindən Vətənə, Şəhidlərə həsr olunmuş mahnı və şeirlər səsləndirilib, kompozisiya nümayiş etdirilib.
Şəhidin valideynləri-anası Lalə xanım və atası Vüqar Həmidov tədbirin təşkilatçılarına, müəllim və şagirdlərə, eləcə də iştirakçılara öz minnətdarlıqlarını ifadə ediblər.
Tədbirin sonunda xatirə fotoları çəkdirilib.
12:55
***
FOTOLAR:
Kamil HƏMZƏOĞLU (HƏMİDOV)
Etikxeber.az
