9 oktyabr seçkiləri: İLHAM ƏLİYEV, CƏMİL HƏSƏNLİ, QÜDRƏT HƏSƏNQULİYEV, ZAHİD ORUC VƏ…

2013-cü il oktyabrın 9-u Azərbaycanda prezident seçkiləri günü kimi tarixə düşüb və həmin seçkilərdən 6 il keçir.

Etikxeber.az-ın xəbərinə görə, həmin gün Azərbaycan tarixində 7-ci preident seçkiləri  keçirilib.

Seçkilərdə qeydə alınmış 10 namizəd seçkidə iştirak edib.

Seçici fəallığı 72.31 % olub.

Seçkilərin qalibi dövlət başçısı, Yeni Azərbaycan Partiyasının (YAP) prezidentliyə namizədi İlham Əliyev olub.

O, eyni zamanda, 3-cü dəfə seçkilərin qalibi olub.

Seçkilərdə ikinci yeri müxalifətin-Milli Şuranın namizədi, professor Cəmil Həsənli tutub.

Seçkilərin üçüncüsü sabiq deputat, Ümid Partiyasının sədri İqbal Ağazadə, dördüncüsü millət vəkili, BAXCP sədri Qüdrət Həsənquliyev, beşincisi həmin vaxt Ana Vətən Partiyasından istefa verərək, seçkilərə müstəqil şəkildə qatılan millət vəkili Zahid Oruc olub.

Seçkilərin axırıncısı-sonucusu  isə ADP sədri Sərdar Cəlaloğlu olub.

Yer		Namizəd	Səslər	Faiz (%)
	1.	İlham Heydər oğlu Əliyev	3 126 113	84.54 %
	2.	Cəmil Poladxan oğlu Həsənli	204 642	5.53 %
	3.	İqbal Fehruz oğlu Ağazadə	88 723	2.40 %
	4.	Qüdrət Müzəffər oğlu Həsənquliyev	73 702	1.99 %
	5.	Zahid Məhərrəm oğlu Oruc	53 839	1.46 %
	6.	İlyas Abbas oğlu İsmayılov	39 722	1.07 %
	7.	Araz Məmməd Mübariz oğlu Əlizadə	32 069	0.87 %
	8.	Fərəc İbrahim oğlu Quliyev	31 926	0.86 %
	9.	Hafiz Ələmdar oğlu Hacıyev	24 461	0.66 %
	10.	Sərdar Cəlal oğlu Məmmədov	22 773	0.62 %

K.HƏMZƏOĞLU

Etikxeber.az