Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
ABŞ-ın Türkiyədəki səfirliyi böyük diplomatik skandala imza atıb.
Bu səbəblə ABŞ səfiri Türkiyənin Xarici İşlər Nazirliyinə (XİN) çağırılıb, laki səfir Ankaradan kənarda olduğu üçün onun yerinə səfirliyin müşaviri adıçəkilən nazirliyə gedib.
Etikxeber.az-ın xəbərinə görə, belə ki, FETÖ/PDY terror təşkilatlarının fəallarından sayılan Ergün Babahanın sosial şəbəkədə yaydığı “Türkiyə xalqları Baxçalısız siyasi vəziyyətə hazır olmalıdır” ifadəsi ABŞ-ın Türkiyədəki Səfrliyinin rəsmi saytının “Twitter” səhifəsindən də bəyənilib.
Bu isə Türkiyədə çox ciddi rezonans yaradıb, kəskin etirazlara səbəb olub.
Türkiyə xarici işlər naziri Mövlud Çavuşoğlu KİV nümayəndələrinə açıqlamasında ABŞ səfirliyinin müşavirinin bu halın yanlışlıqla baş verdiyini, düzəliş olacağını və mövzuya dair açıqlama veriləcəyini ifadə edib.
Qeyd edək ki, bundan sonra həmin paylaşım səfirliyin “Twitter” səhifəsindən silinib və iki dəfə dalbadal üzrxahlıq ifadə edilib.
Qeyd edək ki, Milliyyətçi Hərəkat Partiyasının (MHP) sədri Dövlət Baxçalı sentyabrın 23-də xəstəxanaya yerləşdirilib və qısa müayinədən sonra evə buraxılıb. Onun nəfəs yollarında infeksiya müəyyən olunduğu bildirilir.
“Türkiyə xalqları Baxçalısız siyasi vəziyyətə hazır olmalıdır” ifadəsi də məhz bu məsələyə aiddir.
Etikxeber.az