Adaş olan xanım millət vəkillərinin soyadları səhv salındı, aləm bir-birinə dəydi-VƏ YA JALƏ ƏLİYEVADAN NÖVBƏTİ TƏKZİB…

Bu gün Milli Məclisin İnsan hüquqları komitəsinin iclasında, həmin komitənin üzvü, həmkarım və adaşım Jalə Əhmədova sosial şəbəkələrlə bağlı təklif irəli sürüb. Hörmətli həmkarımın fikirlərini mənim təklifim kimi oxuculara təqdim edən media qurumlarından açıqlamalarına düzəliş etmələrini xahiş edir, daha məsuliyyətli və diqqətli olmalarını tövsiyə edirəm.

Etikxeber.az xəbər verir ki, bunu sosial şəbəkə hesabında millət vəkili, professor Jalə Əliyeva qeyd edib.

Elə bu yerdə qeyd edək ki, bu gün bəzi media quruluşlarında gedən məlumatlarda millət vəkili Jalə Əhmədovanın soyadı səhvən Əliyeva kimi gedib və bu da nəticədə sosial şəbəklərlə bağlı səslənmiş məlum fikirlərin Jalə Əliyevaya aid, məxsus olması kimi tirajlanıb, belə bir görüntünün yaranmasına gətirib çıxarıb.

Amma əslində məsələ tam əksinə, yəni, sosial şəbəklərlə bağlı Milli Məclisin (MM) İnsan hüquqları komitəsinin bugünki komitə iclasında səslənən fikirlərin müəllifi deputat Jalə Əhmədova olub.

Sosial şəbəkə hesabındakı paylaşımında isə J. Əliyeva daha sonra bunları qeyd edib.

“Müraciətimizdən sonra bir çox saytlar xəbərə düzəliş ediblər. Bunu da diqqətlərinə çatdırıram ki, mən üstəlik həmin komitənin üzvü də deyiləm”.

Bir daha xatırladaq ki, J. Əliyeva MM-in Ailə, qadın və uşaq məsələləri komitəsinin sədr müavini, həmçinin, Əmək və sosial siyasət komitəsinin sıravi üzvüdür.

“İqtidarı da bizimdir, müxalifəti də…”-JALƏ ƏHMƏDOVA SOSİAL ŞƏBƏKƏLƏRLƏ BAĞLI TƏKLİF VERDİ – ELMAN NƏSİROV İSƏ ƏFV KOMİSSİYASININ ÜZVLƏRİNDƏN BİRİNİN SÜRÜCÜSÜNƏ CİDDİ İTTİHAM SƏSLƏNDİRDİ… – YENİLƏNİB – (1)

Etikxeber.az