Ailənin 3 övladından biri, subay, 3 medallı Şəhid-ELVİN ABASOVUN ANIM MƏRASİMİ…- FOTOLAR – YENİLƏNİB – (4)

Bu gün, 21 noyabr tarixində Bakının (Şamaxının) İkinci Vətən Müharibəsi Şəhidlərindən olan Elvin Səxavət oğlu Abasovun anım mərasimi keçiriləcək.

Etikxeber.az-ın xəbərinə görə, 1993-cü ilin 17 iyun tarixində Şamaxının Çahran kəndində dünyaya gələn Elvin Abasov ailədə 3 qardaş olublar.

1999-2010-cu illərdə Bakıda, Xətai rayonunda orta məktəbdə təhsil alıb və orta məktəbi qurtardıqdan sonra texnikuma-Kollecə-Bakı Dövlət Kollecinə daxil olub.

Sonra təhsilini yarımçıq qoyaraq, 2013-cü ilin aprelində hərbi xidmətə, Vətənin keşiyinə yollanıb.

Vətənə xidmət borcunu yerinə yetirdikdən sonra təhsilinə qaldığı yerdən davam edib.

İkinci Vətən Müharibəsi başlayan gündən isə digər Vətən sevdalıları kimi, Elvin də yerində sakit dayana bilməyib və könüllü şəkildə müharibəyə, Vətən müdafiəsinə yollanıb.

Döyüş yolu da düz bir ay, oktyabrın 9-undan noyabrın 8-inəcən çəkib.

Elvin cəbhənin Füzuli-Xocavənd istiqamətlərində döyüşüb, vuruşub və noyabrın 8-ində Xocavənd istiqamətində ağır döyüşlərdən birində qarın nahiyəsindən yaralanıb.

Ailəsinə yaralanması xəbəri üç gün sonra, noyabrın 11-ində verilib.

14 gündən sonra, noyabrın 22-sində isə dünyasını dəyişib, Şəhid olub.

Və elə həmin gün nəşi Şamaxı şəhər Şəhidlər Xiyabanında torpağa tapşırılıb.

Ölümündən sonra İgidliyinə, Qəhrəmanlığına görə, 3 medalla-“Vətən uğrunda”, “Füzulinin azad olunmasına görə” və “Xocavəndin azad olunmasına görə” medalları ilə təltif olunub.

***

Bu gün Elvin Abasovun Şəhidliyinin bir illiyi ilə bağlı Bakının “Monte Karlo” restoranında (şadlıq sarayında) Şəhidin anım mərasimi keçiriləcək.

Mərasimdə Şəhidin və cəmi Şəhidlərin ruhuna dualar oxunacaq.

Eyni zamanda, Şəhidlərin xatirəsi bir dəqiqəlik sükutla yad olunacaq, Dövlət himni səsləndiriləcək, çıxışlar ediləcək.

Mərasimdə Şəhidin adına həm də ehsan veriləcək.

Nur içində yatsın, məkanı cənnətlik olsun!

Allah ailəsinə səbr versin!

08:16

***

Şəhidin Anım mərasimi başlayıb.

Mərasimdə Şəhidin anası Bahar xanım və digər ailə üzvləri, Qubadan, Neftçaladan, Samaxıdan, Bərdədən və başqa bölgələrdən olan Şəhid ailələri, Şəhid anaları, Qazilər, hərbçilər, ziyalılar iştirak edirlər.

Mərasim iştirakçıları bir-bir Şəhidin anası və ailə üzvlərinə yaxınlaşaraq, onlara başsağlığı verir, Allahdan səbr diləyirlər.

Mərasim davam edir.

FOTOLAR:

NUR ÜZLÜ ŞƏHİDİMİZ…