Ailənin iki oğlan övladından biri idi…Əsgərlikdən bir müddət sonra həyatını yenidən hərb ilə bağladı, İkinci Vətən Müharibəsinin 22-ci günündə Şəhid oldu…Bir qız övladı Vətənə əmanət qaldı-BU GÜN CƏNNƏTDƏKİ ALTINCI DOĞUM GÜNÜ OLAN NAFTALANLI FƏRİD ADIGÖZƏLOV – FOTOLAR

Naftalan şəhərinin İkinci Vətən Müharibəsi Şəhidlərindən olan Fərid İlqar oğlu Adıgözəlovun doğum günüdür.

Fərid Adıgözəlovun bu gün-8 sentyabr 2026-cı il tarixində 34 yaşı tamam olur.

Bu, həm də Şəhidin Cənnətdəki altıncı doğum günü, mövlududur.

Etikxeber.az xəbər verir ki, Fərid Adıgözəlov 1992-ci ilin 8 sentyabr tarixində Naftalan şəhərində-sadə bir ailədə dünyaya gəlib.

Ailənin iki oğlan övladından, iki qardaşdan biri olub.

1998-2009-cu illərdə orta məktəbdə oxuyub.

Orta məktəbi bitirdikdən, 18 yaşını tamamladıqdan sonra, 2010-cu ildə həqiqi hərbi xidmətə yollanıb və 2012-ci ildə Əsgərliyini başa vurduqdan sonra evinə dönüb, müxtəlif sahələrdə çalışıb.

Sonra yenidən həyatını Ordu, hərb ilə bağlayıb, Azərbaycan Ordusunda MAXE-çavuş kimi fəaliyyət göstərib.

İkinci Vətən Müharibəsinin ilk günündən də döyüşlərdə iştirak edib.

Suqovuşan-Talış kəndi istiqamətlərində döyüşüb və oktyabr ayının 18-də qəhrəmancasına Şəhidlik məqamına ucalıb.

Nəşi Naftalan şəhər qəbiristanlığında dəfn olunub.

Şəhidliyindən sonra “Vətən uğurunda”, “Cəsur döyüşçü”, “Suqovuşanın azad olunmasına görə” medalları və bu ilin iyununda 3-cü dərəcəli “Vətənə xidmətə görə” ordeni ilə təltif olunub.

O, həm də ailəli olub.

Gülsurə adlı qız övladı Vətənə əmanət qalıb.

Qardaşı oğlu isə Onun-Fərid Adıgözəlovun adını daşıyır.

Məkanı cənnətlik, Cənnətdəki altıncı doğum günü mübarək olsun!

Nur içində yatsın!

Etikxeber.az