Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Əbədiyyətə uğurlanmalarının ikinci ilində, Anım günlərində-3 dekabr 2022-ci il tarixində İkinci Vətən Müharibəsi Şəhidlərindən Səid Həsən oğlu Ədilovun Bərdə rayon Şəhidlər Xiyabanında, Ziya Zabil oğlu Nurməmmədovun Kürdəmir rayonunun Sığırlı kənd qəbiristanlığındakı, Bakının Səbail rayonunun Badamdar qəsəbəsindən olan Vüsal Həsənovun isə Şabran rayonunun Zeyvə kənd qəbiristanlığındakı məzarları ziyarət olunub.
Etikxeber.az-ın xəbərinə, Şəhidlərin məzarı üzərinə gül dəstələri düzülüb, ruhlarına dualar olunub.
Məktəblilər tərəfindən şeirlər səsləndirilib, qısa çıxışlar edilib.
Təsirli, kövrək anlar yaşanıb.
Çıxışlarda Şəhidlərin tarixi Qələbə və Zəfərimizə verdikləri töhfələrdən, onların Vətən naminə fədakarlıqlarından bəhs olunub, Şəhidlərin unudulmadığı və unudulmayacağı bir daha dilə gətirlib, o cümlədən, ailələrinə Allahdan səbr və dözüm arzulanıb.
Sonra Bərdədə yerləşən “Leyli” şadlıq sarayında Səid Ədilovun, Kürdəmirin Sığırlıda-ailəsinin yaşadığı evdə Ziya Nurməmmədovun, Şabran rayonunun Zeyvə kəndində isə Vüsal Həsənovun Anım mərasimləri keçirilib, adlarına ehsan süfrələri açılıb.
Bir daha Şəhidlərin ruhlarına dualar oxunub, bir daha qısa çıxışlar edilib.
Şəhidlərin məzarlarını ziyarətdə və Anım mərasimlərində ailə üzvləri, Bərdə, Kürdəmir, Goranboy, Bakı, Ağdam, Tərtər və digər bölgələrdən olan Şəhid ailələri, Qazilər, hərbçilər, məktəblilər, din xadimləri, Bərdə, Səbail, Şabran və Kürdəmir rayon İcra hakimiyyətlərinin məsul şəxsləri iştirak ediblər.
Məqamları Uca, məkanları cənnətlik olsun!
Nur içində yatsınlar!
13:31
***
FOTOLAR:
14:15
***
Kamil HƏMZƏOĞLU (HƏMİDOV)
Etikxeber.az