Qəbələ rayonunun İkinci Vətən Müharibəsi Şəhidlərindən olan Ağaşirin Firuz oğlu Babayevin Anım Günüdür.
Ağaşirin Babayevin Əbədiyyətə uğurlanmasından üç il ötür.
Etikxeber.az xəbər verir ki, Ağaşirin Babayev 2001-ci ilin may ayının 16-da Qəbələ rayonunun Qəmərvan kəndində dünyaya gəlib.
Ailənin dörd övladından biri, üç bacının tək qardaşı olub.
Orta məktəbi bitirdikdən sonra-2019-cu ildə həqiqi hərbi xidmətə yollanıb.
İkinci Vətən Müharibəsi zamanı isə Azərbaycan Ordusunun Əsgəri kimi döyüşlərdə iştirak edib və noyabrın 3-də, 19 yaşında Xocavənd istiqamətində döyüşlərdə qəhrəmancasına Şəhid olub.
Ancaq nəşi 16 gündən sonra-noyabr ayının 19-da Əbədiyyətə uğurlanıb.
Şəhidliyindən sonra bir neçə medal və 3-cü dərəcəli “Vətənə xidmətə görə” ordeni ilə təltif olunub.
Ağaşirin həm də subay olub.
Məqamı Uca, ruhu şad olsun!
Ruhu qarşısında baş əyirik!
Nur içində yatsın!
Kamil HƏMZƏOĞLU (HƏMİDOV)
Etikxeber.az
