Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bakı şəhərinin Antiterrror Şəhidlərindən olan ailənin iki oğlan övladından biri, ali-hərbi təhsilli, peşəkar hərbçi, Baş leytenant, ailəli Sahib Natiq oğlu Daşdəmirovla bağlı bu gün-25 sentyabr 2024-cü il tarixində Sumqayıt şəhər Heydər Əliyev Mərkəzində Anım tədbiri keçirilib.
Etikxeber.az xəbər verir ki, tədbirdə Şəhidin ailə üzvləri, valideynləri-anası Sahibə Həsənova və atası Natiq Daşdəmirov, Antiterror Şəhidlərinin Anaları, müəllim və şagirdlər, yerli ziyalılar, Heydər Əliyev Mərkəzinin əməkdaşları, Azərbaycan Yazıçılar Birliyinin (AYB) üzvü Raziyə Kamilqızı və digər şəxslər iştirak ediblər.
Tədbirdə öncə Şəhidlərin xatirəsi bir dəqiqəlik sükutla yad olunub, Dövlət himni səsləndirilib.
Sonra Şəhid barədə videoçarx nümayiş etdirilib.
Məktəblilər tərəfindən Şəhidə və Şəhidlərə aid şeirlər ifa edilib.
Eyni zamanda, çıxışlar olunub.
Şəhidin valideynləri də öz növbəsində övladları ilə Fəxr etdiklərini, Qürur duyduqlarını bildirib, tədbirin təşkilatçılarına və iştirakçılarına minnətdarlıqlarını ifadə ediblər.
Həmçinin, məktəblilər tərəfindən Şəhidlə bağlı teatrlaşdırlmış səhnəcik nümayiş etdirilib.
Tədbirdə tez-tez duyğulu, kövrək, təsirli anlar da yaşanıb, tədbir iştirakçıları, Şəhid ailələri göz yaşlarına hakim ola bilməyiblər.
Bir saatdan çox davam edən tədbirin sonunda xatirə fotoları çəkdirilib.
Nur içində yatsın!
***
FOTOLAR:
Kamil HƏMZƏOĞLU (HƏMİDOV)
Etikxeber.az
