Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Ermənistanın əsirliyində olan Azərbaycan Silahlı Qüvvələrinin hərbi qulluqçusu Amin Musayev Azərbaycana qaytarılıb.
Etikxeber.az-ın xəbərinə görə, bu barədə hərbi qulluqçunun xalası Nübar Abadova deyib.
N.Abadova qeyd edib ki, ilk xəbəri internet resurslarından eşidiblər:
“Daha sonra özü ilə telefon əlaqəsi yaratdıq. Anası ilə danışdı. Dedi ki, Bakıda xəstəxanaya yerləşdirilib. Vəziyyəti yaxşıdır”.
Ailə Ali Baş Komandan İlham Əliyevə təşəkkür edib:
“Aminin anasının, qohumların, ağstafalıların, həmçinin bütün Azərbaycan xalqının adından təşəkkür edirəm. Allah onu var eləsin. O bizim üçün bu gün hər şeyi verdi. O, Azərbaycan xalqının görən gözü, beyni, sərkərdəsidir. Sevincimizin həddi-hüdudu yoxdur. Ali Baş Komandan Amini bizə sağ-salamat qaytardı. Var olsun Prezidentimiz, yaşasın Ali Baş Komandanımız” (APA).
Yeri gəlmişkən, A.Musayevlə yanaşı digər əsir və girovlar, o cümlədən 2014-cü ilin iyul ayından erməni girovluğunda saxlanılan Şahbaz Quliyev və Dilqəm Əsgərov təyyarə ilə Bakıya gətirilib.
Bu gün erməni əsirliyindən azad olunaraq Vətənə gətirilən əsir və girovlar bunlardır:
Emin Baxşəliyev
Amin Musayev
Yəhya Abdinov
Şərif Əliyev
Ömər Ələkbərov
Nurəddin Yolçuyev
Bayram Kərimov
Şahbaz Quliyev
Dilqəm Əsgərov.
Etikxeber.az
