Ana və atasını Şəhidliyindən öncə itirən, tək qardaşı Vətənə əmanət qalan, ali hərbi təhsilli-peşəkar hərbçi, Baş leytenant-MİNGƏÇEVİRLİ ANTİTERROR ŞƏHİDİ RUSLAN ABBASOVUN CƏNNƏTDƏKİ İLK DOĞUM GÜNÜDÜR, BU GÜN 29 YAŞI TAMAM OLUR – FOTOLAR – YENİLƏNİB

Mingəçevir şəhərinin beş Antiterror Şəhidindən, ailənin iki oğlan övladından biri, subay, ali hərbi təhsilli-peşəkar hərbçi, Baş leytenant, İkinci Vətən Müharibəsinin, “Qisas” və Antiterror əməliyyatlarının iştirakçısı, bir neçə medallı və 3-cü dərəcəli “Vətənə xidmətə görə” ordenli, tək qardaşı Vətənə əmanət qalan Ruslan Əbilfət oğlu Abbasovun Cənnətdəki ilk doğum günündə, 29 yaşının tamamında Mingəçevir Şəhidlər Xiyabanındakı məzarı ziyarət olunub.

1995-ci il, 4 sentyabr doğumlu olan Ruslan Abbasovun məzarı üzərinə gül dəstələri düzülüb, ruhuna dualar olunub, “Quran” oxunub.

Etikxeber.az xəbər verir ki, ziyarət zamanı Şəhidin qardaşına və əzizlərinə Allahdan səbr və dözüm arzulanıb, Ruslan Abbasovun Cənnətdəki ilk doğum günü təbrik olunub.

Məzarını ziyarətdən sonra Cənnətdəki ilk doğum günü ilə bağlı Şəhidin ata ocağında adına ehsan süfrəsi açılıb, bir daha ruhuna dualar olunub.

Şəhidin məzarını ziyarətdə və Cənnətdəki ilk doğum günü ilə bağlı təşkil edilən ehsan süfrəsində doğmaları, Mingəçevirli Şəhid ailələri və din xadimləri iştirak ediblər.

Qeyd edək ki, Ruslan Abbasov Şəhidliyindən öncə həm atasını, həm də anasını itirib.

Özü isə 2023-cü ilin 19-20 sentyabr tarixində keçirilən 23 saatlıq lokal xarakterli antiterror əməliyyatında qəhrəmancasına Şəhid olub.

Nəşi 20 sentyabr tarixində Mingəçevir Şəhidlər Xiyabanında Əbədiyyətə uğurlanıb.

Tək qardaşı Nəriman Abbasov Vətənə əmanət qalıb.

Məkanı cənnətlik, Cənnətdəki ilk doğum günü mübarək, ruhu şad olsun!

Ruhu qarşısında baş əyirik!

Nur içində yatsın!

***

FOTOLAR:

Kamil HƏMZƏOĞLU (HƏMİDOV)

Etikxeber.az