“AŞPA-nın komitələrinin onlayn iclaslarında ermənilər müzakirələrdən qaçdı, çünki…”-PARLAMENTİN KOMİTƏ SƏDRİ

Dağlıq Qarabağda qanunsuz məskunlaşma ilə bağlı beynəlxalq təşkilatlara müraciət etmək qərarına gəldik. Belə müraciətlər ünvanlandı. AŞPA Prezidentinə və Baş Katibinə də belə müraciət edildi.

Etikxeber.az-ın məlumatına görə, bunu bu gün Milli Məclisin (MM) Beynəlxalq münasibətlər və parlamentlərarası əlaqələr komitəsinin iclasında komitə sədri Səməd Seyidov bildirib.

S. Səmədov deyib ki, AŞPA-nın komitələrinin onlayn iclaslarında  ermənilər bu müzakirələrdən qaçıb:

“Çünki bu, beynəlxalq cinayətdir. Ermənistan və Paşinyan dünyaya yalan danışaraq, Dağlıq Qarabağda qanunsuz köçürməni həyata keçirmədiyini deyir, bunu qondarma rejimin üzərinə atmağa çalışır. O rejim bunu həyata keçirmək imkanında deyil. Ermənilər xislətlərini dünyaya nümayiş etdirirlər”.

“Dünyada yeni növ koronavirusla (COVID-19) bağlı vəziyyət gərginləşir”-deyən S. Seyidov bildirib ki, Azərbaycanda bu sahədə vəziyyət idarə olunur:

“Bu gün metro da açılıb. Ancaq biz hamımız ehtiyatlı olmalıyıq”.

Kamil HƏMZƏOĞLU

Etikxeber.az