Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Hüquq mühafizə orqanlarının və güc strukturlarının əməkdaşları Qırğızıstanın sabiq prezidenti Almazbek Atambayevin Bişkek yaxınlığında yerləşən Koy-Taş kəndindəki iqamətgahının ərazisinə girməyə nail olublar.
Etikxeber.az xəbər verir ki, bu barədə TASS agentliyinə sabiq dövlət başçısının qərargahından məlumat veriblər.
“Atambayevin tərəfdarlarının müqavimətinə baxmayaraq, güc strukturlarının əməkdaşları iqamətgahın ərazisinə girə biliblər” – deyə? qərargahın nümayəndəsi bildirib.
Onun sözlərinə görə, hücumda iki mindən çox milis nəfəri və xüsusi təyinatlı döyüşçü iştirak edir. Onlara Atambayevin 300-400 nəfərə yaxın tərəfdarı müqavimət göstərir.
Agentliyin həmsöhbəti iqamətgahın ərazisində yanğın başladığını təsdiqləyib. Koy-Taş kəndinə gedən bütün avtomobil yolları milis tərəfindən blokadaya alınıb. Rayonda mobil rabitə və internet bağlanıb.
Korrupsiyada ittiham olunan və toxunulmazlıq hüququndan məhrum edilən sabiq prezident Almazbek Atambayevin tutulması üzrə əməliyyat avqustun 7-də başlayıb. Lakin onun Koy-Taş kəndindəki tərəfdarları müqavimət göstəriblər, əməliyyatın gedişində bir xüsusi təyinatlı döyüşçü həlak olub, 52 nəfər yaralanıb. İrəli sürülən bütün ittihamları rədd edən sabiq prezidenti tutmaq mümkün olmayıb.
***
Almazbek Atambayev saxlanılıb.
“İnterfaks”ın verdiyi xəbərə görə isə sabiq prezident özü təslim olub.
Qırğızıstan Sosial Demokrat Partiyasının nümayəndəsi Kunduz Joldubayeva və Atambayevin tərəfdarı Fərid Niyazov sabiq Prezidentlə birlikdədir.
Keçmiş prezidentin hara aparıldığı haqda isə hələlik dəqiq məlumat yoxdur.
***
Qırğızıstanın Daxili İşlər Nazirliyi sabiq prezident A. Atambayevin saxlanılması barədə rəsmi açıqlama yayıb.
Açıqlamada Atambayevin “məcburi qaydada” saxlanıldığı bildirilib.
Məlumata görə, sabiq prezidentin saxlanılması əməliyyatı itkisiz ötüşüb.
“Milis əməkdaşları Milli Təhlükəsizlik üzrə Dövlət Komitəsi ilə birgə keçirdikləri əməliyyat zamanı Atambayev məcburi qaydada saxlanılıb. O, sonrakı tədbirlərin icrası üçün aidiyyəti orqana təhvil veriləcək”-deyə, açıqlamada bildirilir.
Qeyd edək ki, xüsusi əməliyyata Qırğızıstanın daxili işlər naziri Kaşkar Cunuşaliyev rəhbərlik edib.
Atambayev DİN rəhbərliyi ilə aparılmış danışıqlardan sonra hüquq-mühafizə orqanlarına təslim olub.
Etikxeber.az
