Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün AVRO-2020-nin seçmə mərhələsində növbəti oyunlar keçiriləcək.
Etikxeber.az xəbər verir ki, A, B və H qruplarında mübarizə aparan komandalar VII turun görüşlərinə çıxacaq.
Baş tutacaq yeddi qarşılaşmanın hamısı eyni vaxtda start götürəcək. A qrupunda iki matç təşkil olunacaq. Autsayderlər Bolqarıstanla Monteneqro sonuncuların meydanında üz-üzə gələcək.
Keçirdiyi dörd qarşılaşmada xal itirməyən İngiltərə isə final mərhələsinə vəsiqəni təmin edə bilər. Bunun üçün futbolun yaradıcıları ən yaxın izləyicisi Çexiyanı məğlub etməlidirlər. İstənilən hesablı qələbə İngiltərəni AVRO-2020-yə daşıyacaq.
B qrupunun lideri Ukrayna evdə Litva ilə görüşəcək. Meydan sahibləri autsayderlə görüşün favoritidir. Portuqaliya isə Lüksemburqu qəbul edəcək.
Qonşu Türkiyə yığması çox vacib qarşılaşmaya çıxacaq. H qrupunda mübarizə aparan “ay-ulduzlular” evdə Albaniyanı qəbul edəcəklər.
Qrupun digər iki iddialısı da bir-biri ilə qarşılaşacaq. Fransa rəqib meydanında İslandiya ilə görüşəcək. Autsayderlərin duelində isə Moldova Andorranın qonağı olacaq.
Qeyd edək ki, seçmə mərhələnin VII sabah başa çatacaq.
AVRO-2020-nin seçmə mərhələsi
VII tur
11 oktyabr
A qrupu
22:45. Monteneqro – Bolqarıstan
22:45. Çexiya – İngiltərə
| 1 | İngiltərə | 4 | 4 | 0 | 0 | 19-4 | 12 |
| 2 | Çexiya | 5 | 3 | 0 | 2 | 9-8 | 9 |
| 3 | Kosovo | 5 | 2 | 2 | 1 | 8-12 | 8 |
| 4 | Bolqarıstan | 5 | 0 | 2 | 3 | 5-11 | 2 |
| 5 | Monteneqro | 5 | 0 | 2 | 3 | 3-13 | 2 |
B qrupu
22:45. Ukrayna – Litva
22:45. Portuqaliya – Lüksemburq
| 1 | Ukrayna | 5 | 4 | 1 | 0 | 11-1 | 13 |
| 2 | Portuqaliya | 4 | 2 | 2 | 0 | 10-4 | 8 |
| 3 | Serbiya | 5 | 2 | 1 | 2 | 10-12 | 7 |
| 4 | Lüksemburq | 5 | 1 | 1 | 3 | 5-8 | 4 |
| 5 | Litva | 5 | 0 | 1 | 4 | 4-15 | 1 |
H qrupu
22:45. Türkiyə – Albaniya
22:45. İslandiya – Fransa
22:45. Andorra – Moldova
| 1 | Türkiyə | 6 | 5 | 0 | 1 | 14-2 | 15 |
| 2 | Fransa | 6 | 5 | 0 | 1 | 19-4 | 15 |
| 3 | İslandiya | 6 | 4 | 0 | 2 | 10-9 | 12 |
| 4 | Albaniya | 6 | 3 | 0 | 3 | 9-9 | 9 |
| 5 | Moldova | 6 | 1 | 0 | 5 | 3-17 | 3 |
| 6 | Andorra | 6 | 0 | 0 | 6 | 0-14 | 1 |
