AVRO-2020: Pley-off mərhələsinin püşkatma mərasimi keçiriləcək

Bu gün AVRO-2020-nin pley-off mərhələsinin püşkatma mərasimi keçiriləcək.

Etikxeber.az xəbər verir ki, final mərhələsinə son 4 vəsiqəyə iddia edən 16 yığmanın taleyinə aydınlıq gələcək, həmçinin artıq həlledici raundla bağlı əlavə püşk atılacaq.

Bakı vaxtı ilə saat 15:00-da başlayacaq püşkatmada pley-offda yolu və rəqibi bilinməyən 4 yığma kiminlə və harada oynayacağını biləcək. Bolqarıstan, Macarıstan, İsrail və Rumıniya yığmalarından biri C yolu üzrə, üçü A yolu üzrə mübarizə aparacaq. Püşk İslandiya və Şotlandiyanın rəqibini müəyyənləşdirəcək, digər iki komanda öz aralarında oynayacaq.

Ardınca final oyunlarının meydan sahibləri müəyyənləşəcək. Gələn il martın 26-da baş tutacaq yarımfinallarda daha yüksək göstəriciyə malik komandalar ev sahibi olacaqsa, 5 gün sonrakı həlledici görüşün yeri püşklə bilinəcək.

D yolu
1. Gürcüstan – Belarus
2. Şimali Makedoniya – Kosovo

C yolu
1. Şotlandiya – Bolqarıstan/Macarıstan/İsrail/Rumıniya
2. Norveç – Serbiya

B yolu
1. Bosniya və Herseqovina – Şimali İrlandiya
2. Slovakiya – İrlandiya

A yolu
1. İslandiya – Bolqarıstan/Macarıstan/İsrail/Rumıniya
2. Bolqarıstan/Macarıstan/İsrail/Rumıniya – Bolqarıstan/Macarıstan/İsrail/Rumıniya

Əlavə püşkatma isə artıq final mərhələsinə vəsiqə qazanmış Rusiya ilə Danimarka arasında atılacaq. Hər iki komandanın Belçika ilə birlikdə B qrupunda oynayacağı püşksüz də bəllidir.

Çünki Rusiya da, Danimarka da B qrupunun ev sahiblərindəndir. Bu millilərdən hər biri digər iki yığma ilə öz doğma stadionunda oynayacaq. Rusiya – Danimarka görüşünün hansı şəhərdə – Sankt-Peterburq, yoxsa Kopenhagendə baş tutacağı əlavə püşklə bilinəcək.

Şans  kimin üzünə gülsə, həmin komanda qrupdakı üç matçı öz meydanında oynayacaq.

Etikxeber.az

Read Previous

“Təcrübəli həkimlərə böyük ehtiyacımız var…” – İXTİSASCA HƏKİM OLAN DEPUTAT

Read Next

“Azərbaycanda da Aliment Fondu yaransa, yaxşı olar” – KOMİTƏ SƏDRİ – YENİLƏNİB – (1)

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir