Avropa Şurası Nazirlər Komitəsinin növbəti iclası: TBİLİSİ, YOXSA, STRASBURQDA KEÇİRİLƏCƏK?

Gürcüstan tərəfinin xahişinə əsasən Avropa Şurası Nazirlər Komitəsinin növbəti iclası bu ilin may ayında Tbilisidə deyil, Strasburqda keçiriləcək.

Etikxeber.az xəbər verir ki, bu barədə Gürcüstanın Xarici işlər naziri David Zalkaliani məlumat verib.

Nazir bildirib ki, Avropa Şurası Nazirlər Komitəsinin iclasının əvvəlcə bu ilin may ayında Tbilisidə keçirilməsi nəzərdə tutulmuşdu:

“Avropa Şurasına üzv olan 47 ölkənin yüksək səviyyəli nümayəndə heyətini Gürcüstanda qəbul etmək bizim üçün böyük şərəfdir. Lakin biz ölkədə sabitliyin yenidən pozulmasına imkan verə bilməzdik. Ona görə də iclasın Strasburqda keçirilməsi barədə qərar qəbul olundu”.

Xatırladaq ki, Avropa Şurasının yüksək səviyyəli tədbirlər üçün öz nizamnaməsi var və Gürcüstan sədr ölkə olaraq bütün məsələləri katiblik səviyyəsində koordinasiya edir.

Avropa Şurası Nazirlər Komitəsinə sədrlik ötən il noyabrın 27-dən etibarən 6 ay müddətinə (2020-ci il mayın 15-dək) Gürcüstana keçib. Sədrlik dövründə Gürcüstanda Avropa Şurasının ümumilikdə 20-dək tədbirinin keçirilməsi planlaşdırılır.

Məlumat üçün qeyd edək ki, keçən ilin iyun ayında Pravoslavlıq Parlamentlərarası Assambleyanın Tbilisidə keçirilən iclasında rusiyalı deputat Sergey Qavrilovun çıxışından sonra Gürcüstanda siyasi vəziyyət gərginləşdi. Parlamentdə təmsil olunan müxalifət nümayəndələri sessiyanın rusiyalı deputat tərəfindən açılmasına etiraz edəndən sonra Rusiya nümayəndə heyəti parlament binasını tərk etməyə məcbur olub. Bundan sonra uzun müddət səngiməyən mitinqlər keçirilib.

Gürcüstan hökuməti may ayında Tbilisidə Avropa Şurası Nazirlər Komitəsinin iclasında Rusiya tərəfinin iştirakı zamanı yenidən gərginliyin yaşanmaması üçün toplantının Strasburqda keçirilməsi ilə bağlı Avropa Şurası katibliyinə müraciət edib (AZƏRTAC).

Etikxeber.az

Read Previous

“Region Gənclərinin 1-ci Tibb Məktəbi Layihəsi” də Xocalı soyqırımı qurbanlarını andı…

Read Next

“Azərbaycanla sərhədlərin bağlanması barədə xəbərlər həqiqəti əks etdirmir” – GÜRCÜSTAN BAŞ NAZİRİNİN ADMİNİSTRASİYASI

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir