Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Goranboy rayonunun İkinci Vətən Müharibəsi Şəhidlərindən olan Orxan Namazovun doğum günüdür.
Orxan Namazovun sabah-24 noyabr 2024-ci il tarixində 30 yaşı tamam olur və bu, həm də Şəhidin Cənnətdəki dördüncü doğum günü, mövlududur.
Etikxeber.az xəbər verir ki, Orxan Namazov 1994-cü ilin noyabr ayının 24-də Goranboyun Xoylu kəndində dünyaya gəlib…
Ailənin iki oğlan övladından biri, evin sonbeşiyi olub…
İki yaş ondan böyük olan qardaşı Tərxan ali təhsilli və bir qız atasıdır…
2 il Gəncə şəhərində yerləşən 6 saylı orta məktəbdə oxuduqdan sonra təhsilini Xoylu kənd orta məktəbində davam etdirib…
Ali məktəb arzusunda olan Orxan orta məktəbi bitirdikdən sonra Gəncə Dövlət Regional Kollecinə daxil olub…
Birinci semestrdən sonra, 2013-cü ilin yanvar ayında Əsgərliyə, Vətənin keşiyinə yollanıb və 2014-cü ilin iyulunda həqiqi hərbi xidmətini başa vurub yenidən evinə, ailəsinə, Xoyluya dönüb…
2017-ci ildən isə yenidən həyatını Ordu, hərb ilə bağlayıb…
Azərbaycan Ordsunun peşəkar hərbçisi, Kiçik giziri olub…
İkinci Vətən Müharibəsi zamanı isə ilk saniyələrdən döyüşlərdə olub…
Şərəfli döyüş yolu 10 gün çəkib…
Oktyabrın 6-dan 7-nə keçən gecə isə Suqovuşan istiqamətində qəhrəmancasına Şəhidlik məqamına ucalıb…
Ancaq nəşi 3 gündən sonra, oktyabrın 10-da Xoylu kənd qəbiristanlığında Əbədiyyətə uğurlanıb…
Şəhidliyindən sonra “Azərbaycan Bayrağı” ordeni, “Vətən uğrunda”, “İgidliyə görə” və “Suqovuşanın azad olunmasına görə” medalları ilə təltif olunub…
İstədiyi, sevdiyi qız olsa da, ailə həyatı qurmayıb…
O, həm də Xoylunun 3 İkinci Vətən Müharibəsi Şəhidindən biridir.
Məkanı cənnətlik, Cənnətdəki dördüncü doğum günü mübarək olsun!
Nur içində yatsın!
Kamil HƏMZƏOĞLU
Etikxeber.az
