Azərbaycan gimnastı Dünya Kubokunun sahibi oldu…

Macarıstanın Sombatxey şəhərində idman gimnastikası üzrə “Challenge” seriyasına aid Dünya Kubokunun final mərhələsi keçirilib.

Etikxeber.az Azərbaycan Gimnastika Federasiyasına istinadla xəbər verir ki, 25 ölkənin iştirakı ilə keçirilən final yarışlarında Azərbaycan idmançısı da mübarizə aparıb.

Yarışlarda yeganə təmsilçimiz Marina Nekrasova dayaqlı tullanma proqramında bütün rəqiblərini üstələyərək qızıl medala sahib olub.

Gimnastımız bu uğura 14,183 xal toplamaqla nail olub.

Etikxeber.az