“Azərbaycanda birinci vitse-prezident postuna ən layiqli şəxs gətirilib” – DEPUTAT

“Ölkə Prezidenti cənab İlham Əliyev tərəfindən Mehriban xanım Əliyevanın birinci vitse-prezident təyin edilməsi çox yaxşı və olduqca təqdirəlayiq haldır. Bütün Azərbaycan xalqı kimi, mən də bu xəbəri çox xoş və böyük sevinclə qarşıladım. Mehriban xanım Azərbaycan maraqlarını daim dünyada təmsil edib. Bundan sonra da belə olacaq. Hesab edirəm ki, Azərbaycanda birinci vitse-prezident postuna ən layiqli şəxs gətirilib”.

Bunu Etikxeber.az-a açıqlamasında millət vəkili Eldəniz Səlimov deyib.

“Bir daha qeyd edirəm ki, Mehriban xanım uzun müddətdir Azərbaycan maraqlarını dünyanın bir çox ölkələrində təmsil edib, o cümlədən, mötəbər tədbirlərdə yaranan komitələrin rəhbəri olub”-deyən millət vəkilinin sözlərinə görə,  M. Əliyeva həmçinin, Azərbaycan mədəniyyətinin tanınmasında, Azərbaycan xalqının maraqlarının müdafiə olunmasında xüsusi xidmətlər göstərib, Ermənistanın Azərbaycana qarşı təcavüzü ilə bağlı bütün dünya ölkələrində maraqlarımızı təmsil edib.

“Odur ki, Mehriban xanımın birinci vitse-prezident təyin olunması çox yerində və zəruri olan bir addımdır”-deyə, E. Səlimov daha sonra sözlərinə əlavə edib.

Etikxeber.az