Azərbaycan “Baltic Open-2017” Döyüş Sənətləri Olimpiadasında təmsil olunacaq – FOTO

Mayın 13-14-də Riqada, ”Elektrum” Olimpiya İdman Mərkəzində “Baltic Open-2017” Döyüş Sənətləri Olimpiadası keçiriləcək. Yarışlarda 6-80 yaş arasında təqribən 2 min müxtəlif səviyyəli idmançı iştirak edəcək. İdman meydanında 14 ölkənin – Azərbaycan, ABŞ, Rusiya, Nepal, Almaniya, İtaliya, Portuqaliya, Belarus, Ukrayna, Qazaxıstan, Özbəkistan, Estoniya, Litva və Latviyanın nümayəndələri qarşılaşacaqlar.

Etikxeber.az xəbər verir ki, Olimpiadada Azərbaycanı məşqçi Vasif Namazovun rəhbərliyi ilə Nəvai Əlizadə, Araz Abdullayev, Musa Abdullayev, Arzu Eyvazova, Natiq Alışov və başqa idmançılar təmsil edəcəklər.

Olimpiadanın unikallığı bundadır ki, turnirdə, demək olar, bütün təkbətək döyüş növləri, o cümlədən cüdo, müxtəlif karate versiyaları, kiokusinkay, taekvando, zərbə qüvvəsi, pankration, qreppinq, sərbəst üsul, aykido, vin-çun, kikboksinq, K-1, MMA, kunqfu, kosiki karate, qurşaqtutma nəzərdə tutulub.

Təntənəli açılış mərasimindən sonra tamaşaçılar “Çempionlar marafonu” tamkontaktlı döyüşlər – peşəkar boks, MMA, sərbəst üslub, kosiki karate, K-1, pankration üzrə reytinq görüşlərinə tamaşa edəcəklər. Təkbətək döyüşlərdə dünya və Avropa çempionları iştirak edəcəklər.

Etikxeber.az

Read Previous

Əmək müqaviləsinə xitam verilən işçilərə ayrılacaq müavinətlər müəyyənləşdirildi – FOTO

Read Next

IV İslam Həmrəyliyi Oyunlarının rəsmi açılış mərasimi – YENİLƏNİB – FOTOLAR

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir