“Azərbaycan bölgədə mərkəzi qovşaq rolunu oynayacaq” – DEPUTAT – FOTOLAR

“Tehran Xocalı soyqırımını tanımalıdır”
Azərbaycan bölgədə üst qatda gedən qlobal tendensiyalara və çağırışlara uyğun olaraq çevik formada xarici siyasətini formalaşdırmaqdadır.
Etikxeber.az xəbər verir ki, bunu mətbuata açıqlamasında Milli Məclisin (MM) Müdafiə, təhlükəsizlik və korruppsiya ilə mübarizə komitəsinin üzvü Zahid Oruc  Azərbaycan Prezidenti İlam Əliyevin İrana səfərinin yekunlarını şərh edərkən deyib.
14887074845479717774_1000x669
Onun sözlərinə görə, İ. Əliyevin  indiki mühüm bir dövrdə İrana gerçəkləşən səfəri mühüm əhəmiyyətə malikdir:
“Orada imzlanmış sənədlər  təkcə Azərbaycan və İranın  münasibətlərinin gələcək inkişafı baxımından deyil, eyni zamanda,  bölgə ölkələri üçün də yeni əməkdaşlıq imkanları açacaq. Bu baxımdan da, Azərbaycan bölgədə üst qatda gedən qlobal çağırışlara uyğun olaraq öz xarici siyasətini çevik şəkildə qurmaqdadır. Bu gün Azərbaycan  sıradan olan regional  ölkə kimi yox, əksinə,  regional və regionlararası proseslərdə aktiv yer alan ölkə rolunda çıxış edir. Odur ki, Azərbaycan bölgədə gedən proseslərdə çox uğurla çıxış edir”.
“Bakı  Tehranın Qafqazdakı maraqlarını bildiyindən daha effektli əməkdaşlıq formulu təklif edir”
Azərbaycan-İran  münasibətlərinə  gəldikdə  millət vəkili deyib ki,  İranın Qafqazda böyük maraqlarının olduğunu nəzərə almalıyıq:
“Ola bilsin ki, İran Qafqazdakı maraqlarını Ermənistan vasitəsi ilə reallaşdırmaq  istəyir. O baxımdan burada hədəfin ancaq  Azərbaycan olmadığını da anlamalıyıq. Iran bu yolla  bölgədə aparıcı mövqe tutuan Rusiya, Qərb və Türkiyəyə qarşı öz planlarını reallaşdırmaq istəyir. Azərbaycan da İranın bölgədəki maraqlarını yaxşı görür. Və buna uyğun da adekvat siyasətini həyata keçirir. Bunu nəzərə  alan Bakı Tehrana  regionda daha effektli əməkdaşlıq  formatlarını təklif edir”.
Z. Oruc əlavə edib ki, İ.Əliyevin  İrana səfəri, orada keçridiyi görüşlər və  görüşlərin yekunu olaraq verilən bəyanatlar  dediklərini bir daha sübut edir:
“Orada səslənən bəyanatlar bizə onu deməyə əsas verir ki, nəzərdə tutuduğumuz,  o, əhəmiyyətli əməkdaşlıq  formatları yaxın gələcəkdə reallaşacaq”.
ilham-aliyev-ruhani-450x250
“Azərbaycan-İran əməkdaşlığı öz bəhrəsini verməkdədir və real nəticə ortadadır”
Millət vəkili deyib ki, bunun elə birincisi Azərbaycanla İran arasındakı kommunikasiya əlaqələridir:
“Təsəvvür edin, bu, İran üçün nə qədər əhəmiyyətə malikdirsə, Azərbaycan üçün bir neçə tərəfdən böyük əhəmiyyət kəsb edir. Belə ki, Azərbaycan İranla  dəmir yolları sahəsindəki əlaqələri inkişaf etdirməklə uzun müddət blokada şəraitində yaşayan Naxçıvanın blokadadan çıxmasına nail olur.  Bu, təkcə Naxçıvanın blokadadan çıxmasına yox, eyni zamanda, onun  iqtisadiyyatının inkişafına da öz töhfəsini verəcək. Bu layihənin reallaşması Ermənistana ciddi zərbə vurur. Və nəticədə   İran Ermənistanla nəzərdə tutuduğu layihədən imtina etməli olur. Bax, budur Azərbaycanın bu formatda əməkdaşlıqdan əldə etdiyi uğur…”
 “Azərbaycan bölgədə mərkəzi qovşaq rolunu oynayacaq”
Deputat deyib ki, burada ikinci  əsas məsələ  Azərbaycanın  “Şimal-Cənub” Beynəlxalq Nəqliyyat Dəhlizinin reallaşdırılması istiqamətindəki aktivliyidir:
“Eyni zamanda, Azərbaycan tərəfin qısa zamanda dəmiryol xəttini İran sərhəddinə, hətta, onun içərisinədək  çəkməsi çox mühüm hadisədir. Bu layihə reallaşdıqdan sonra  Azərbaycan Cənub- Şərqi Asiya ilə Avropa arasında  bir qovşaq mərkəzi rolunu oynayacaq. Bunlar mühüm məsələdir”.
ruhani
“Kommunikasiya həm də ölkənin  təhlükəsizliyinin etibarlı təmin olunması deməkdir”
 
O, əlvə edib ki, kommunikasiya təkcə yük daşıma və ya digər xidmət sahələrinin, yaxud,  iqtisadiyyatının inkişafı deyil, kommunikasiya eyni zamanda, ölkənin təhlükəsizliyinin təminatında mühüm əhəmiyyətə malik olan bir sahədir:
 “Azərbaycan təkcə enerji sektorunda və ya digər sahələrdə iqtisadi layihələr həyata keçirərək, iqtisadi inkişafını təmin etməklə yanaşı,  həm də özünün etibarlı təhlükəsizliyini də təmin edir. Bir tərəfdən Şərq-Qərb nəqliyyat dəhlizi, digər yandan “Şimal-Cənub” Beynəlxaql Nəqliyyat Dəzlizi layihəsinin reallaşması  Azərbaycanın təhlükəsizliyinin daha etibarlı formada təmin olunmasına  xidmət  edən  mühüm strateji bir hədəfdir”.
“Azərbaycanın bölgədki aktiv rolu Ermənistanı pis vəziyyətə salır”
Z. həmçinin deyib ki, İranda  keçirilən görüşdə haqlı olaraq  Azərbaycanın üçtərəfli əməkdaşlıq formatındakı aktiv iştirakı dilə gətirilib:
“Bildirildi ki, Azərbaycan  Azərbaycan-İran-Rusiya, Azərbaycan-Türkiyə-İran formatıdna aktiv  iştirak etdiyi kimi, Azərbaycan-Gürcüstan-İran üçtərəfli əməkdaşlıq formatının yaradılmasında da aktiv rol oynayacaq. Biz bu  formatdakı əməkdaşlıq istiqamətində mühüm addımlar atmalıyıq. Bölgədəki proseslərdən maksimum yararlanmalıyıq və yararlanırıq da…
 Bununla biz Ermənistanı digər sahələrdə olduğu kimi, bu sahədə də  təklənmiş vəziyyətdə qoymuş və vəziyyəti öz xeyrimizə dəyişmiş oluruq. Baxın, Ermənistan  İranla və Gürcüstanla  müxtəlif layihələr həyata keçirmək barədə müəyyən razılıq əldə etmişdi. Məhz Azərbaycanın çevik siyasəti nəticəsində  Ermənistan təkləndi və bu ölkələr Ermənistan üzərindən nəzərdə tutduquları layihələrdən imtina etmiş oldular”.
ruhani
“Azərbaycan bölgədə tənzimləyici rol oyanyır”
Azərbaycanın regiondakı tənzimləyici rol oynadığını dilə gətirən millət vəkili bildirib ki,  Azərbayacan vaxtı ilə üç imperiya varisi olan üç ölkənin əhatəsindədir:
“Bunlardan biri Osmanlı imperiyasının müasir varisi Türkiyə, digəri Rusiya imperiyasının varisi olan bugünkü Rusiya və İranın əhatəsindədir. Buna baxmayaraq,  Azərbaycan bu ölkələr arasında tənzimləyici rol oynayır.  Bu gün bizim İranla münasibətlərimizin inkişafı Türkiyə-İran münasibətlərinə öz müsbət təsirini göstərə bilər. Bu isə bölgədə yeni bir situasiya yaradacaq.
Necə ki, Azərbaycan Rusiya-Türkiyə arasındakı münasibətlərdə tənzimləyici rol oynadı və iki ölkə arasındakı əlaqələrin nomallaşmasında uğurlu addım atdı. Əgər Azərbaycan bu mövqeyindən yararlanıb, bu missiyasını davam etdirəcəksə, o zaman gücünü birə-beş artırmış olacaq”.
“Azərbaycanın İsraillə hərbi əməkdaşlığa İrana qarşı yönəlməyib”
Millət vəkili İranda səsələnən bir fikirdən də  öz narahatlığını ifadə edib.
Bildirib ki, Ayətullah Seyyid Əli Xamneyinin “sionist rejim”in Azərbaycanla İran arasındakı münasibətləri pozması haqqında fikirləri müəyyən narahatçılıq doğurur:
“Bizim İsraillə münasibətlərimiz heç bir halda İrana qarşı deyil. Və Azərbaycan bu əməkdaşlıqdan İrana qarşı istifadə etmək niyyətində deyil. Çünki bizim İsraillə hərbi əməkdaşlıq məsələlərində hansısa ölkəyə qarşı istifadə məsələsi yoxdur”.
“Tehranla əməkdaşlığımız İrəvanı  bölgədə təklənmiş vəziyyətə salıb və İrəvan bütün  proseslərdən kənarlaşdırılaraq, əhəmiyyətsiz bir ölkəyə çevrilib”
Millət vəkili hesab edir ki, Azərbaycanın İranla əməkdaşlığının inkişaf etdirilməsi nəticədə Tehranın İrəvanla  əməkdaşlığının zəifləməsinə gətirib çıxarır:
“Fikirləşmək ki, İranla  əməkdaşlığımız bu sahədə nəticə verməyəcək, bu, yanlışlıqdır. Artıq İranla həyata keçirilən real siyasət nəticəsində biz bunlarını nəticəsini görməkdəyik. Bu əməkdaşlıq artıq Ermənisanın ziyanına işləyir. İran Ermənistanla deyil, daha çox Azərbaycanla əməkdaşlığa üstünlük verir. O baxımdan da,  mən iki ölkə arasındakı əməkdaşlığa mühüm önəm verirəm” .
xocali_250208
 
“İran Xocalı soyqrımını tanımalıdır”
Bütün bunlarla belə Z. Oruc onu da dilə gətirib ki, biz keçmişdə haqlı olaraq  Tehran tərəfindən yürüdülən  bir sıra addımları qüsurlu saymışıq:
“Bu qüsurlu addımlara görə mövqeyimizi də bildirmişik. Hesab etmişik ki, Tehranın öz yaxın qonşusuna, təkcə qonşu deyil,  eyni zamanda, ortaq dinə, tarixə, mədəniyyətə malik bir ölkəyə belə münasibət sərgiləməsi düzgün yanaşma deyil. Bu, İran tərəfi üçün də əhəmiyyətlidir. Axı, nəyə görə,  Azərbaycan parlamentində içi Zahid Oruc olmaqla,  digər  parlamentarilər anti-İran fikirləri səsləndirsin?! Mən münasibətlərimizin daha da inkişaf etdirilməsində maraqlıyam. İstərdim ki, İran Xocalı soyqrımını bir soyqırım aktı kimi tanısın”.
Azerbaycan Turkiye ordulari
“Azərbaycan Türkiyə ilə “bir millət, iki dövlət” formulasında əməkdaşlıq etdiyi kimi, İranla da buna oxşar  formulada əməkdaşlıq etməlidir”
Millət vəkili son olaraq bildirib ki, bu gün Azərbaycan Türkiyə ilə “bir millət, iki dövlət” formulasında əməkdaşlıq etdiyi kimi, İranla da  əlaqələrini inkişaf etdirmək üçün  buna oxşar başqa bir formulada əməkdaşlığını qursun.
“Axı, niyə də olmasın?! Çünki biz yerləşdiyimiz coğrafiyada  toqquşmanı istəmirik. Biz bu imperiya varislərinin gücündən yararlanmaq niyyətindəyik. Biz bu qüvvələr arasındakı toqquşmadan əziyyət çəkmək istəmirik. İndiyədək bu toqquşmalardan xeyli əziyyət çəkmişik. Ona görə də mən  Azərbaycan Prezidentinin İrana səfərini  dövlətimizin mənafeyi baxımından  önəmli hadisə kimi dəyərləndirirəm”- deyə, millət vəkili bildirib.
Zahid Oruj
Etikxeber.az

Read Previous

Federasiya prezidenti olan deputatdan minnətdarlıq – FOTOLAR

Read Next

Timur Əsgərov niderlandlı xoreoqrafın baletində çıxış edəcək

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir