Azərbaycan karateçilərindən üçü qızıl, ikisi isə bürünc medal uğrunda yarışacaq

IV İslam Həmrəyliyi Oyunlarının Bakı İdman Sarayında keçirilən karate üzrə kumite yarışında Azərbaycan idmançılarından üçü qızıl, ikisi isə bürünc medal uğrunda yarışacaq.

Etikxeber.az xəbər verir ki, 55 kiloqram çəki dərəcəsində qadınların yarışının finalında Azərbaycan idmançısı İlahə Qasımova Misir təmsilçisi Yasmin Attiya ilə qarşılaşacaq.

Digər finalçımız Fəridə Abıyeva (61 kq) qızıl medal uğrunda iranlı Rozita Əlipurkaşkalesad ilə yarışacaq.

İdmançımız Nuranə Əliyeva (50 kq) isə bürünc medal uğrunda görüşdə indoneziyalı Srunita Sukatendelə qalib gəlməyə çalışacaq.

Qadınların 50 kiloqram çəki dərəcəsi üzrə yarışının finalında Türkiyə idmançısı Serap Özçelik iranlı Nasrin Dust ilə görüşəcək.

Kişilərin yarışında 75 kiloqram çəki dərəcəsində mübarizə aparan Rəfael Ağayev finalda Pakistan təmsilçisi Qulam Abbas ilə qarşılaşacaq.

Digər idmançımız Firdovsi Fərzəliyev (60 kq) isə bürünc medal uğrunda görüşdə indoneziyalı Suryadi Suryadi ilə üz-üzə gələcək. Bu çəki dərəcəsinin finalında özbəkistanlı Səriddin Saymatov Türkiyə idmançısı Aykut Kaya ilə görüşəcək.

Nəhayət, 67 kiloqram çəki dərəcəsinin finalında isə əlcəzairli Əbdulatif Benxaled iordaniyalı Bəşər Əlnəjar ilə qızıl medal uğrunda mübarizə aparacaq.

Etikxeber.az

Read Previous

Türkiyədə Ərdoğanın ABŞ səfərilə bağlı “ağıl” və ya “get-getmə” dartışması…

Read Next

Əvvəl Karamollaoğlu ilə görüşdü, növbəti görüş isə Akşənərlə olacaq…

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir