AZAL Samsung Galaxy Note 7 smartfonlarının daşınmasını tam qadağan etdi

AZAL reyslərində Samsung Galaxy Note 7 smartfonlarının daşınmasını tam qadağan edib.

“Azərbaycan Hava Yolları” QSC-nin mətbuat xidmətindən Etikxeber.az-a bildirilib ki, AZAL reyslərində “Samsung Galax Note 7” smartfonların əl yükündə və qeydiyyatdan keçən baqajda daşınması qadağan olunur. Bu qərar ABŞ-ın aviasiya hakimiyyəti, eləcə də bütün dünya üzrə digər sərnişin aviadaşıyıcıları tərəfindən analoji qadağadan sonra qəbul edilib.

Əl yükündə smartfon aşkarlandığı halda telefon sahibi smartfonu yola salan tanışlarından birinə verməyənədək sərnişinin təyyarəyə minməsinə icazə verilməyə bilər, çünki aviaşirkət hava limanında saxlama xidmətləri göstərmir.

Əgər smartfon təyyarənin salonuna bilmədən keçirilibsə, onu dərhal söndürmək və uçuşun başa çatmasınadək söndürülmüş vəziyyətdə saxlamaq lazımdır.

Əgər həmin smartfon baqajda aşkar olunarsa, o reysə yüklənməyəcək və sərnişin tərəfindən tələb olunmayana kimi hava limanında itirilmiş baqaj bürosuna (Lost & Found) göndəriləcək.

QSC-dən bildirilib ki, təyyarənin göyərtəsində bu telefonun istifadəsinə qadağa sərnişinlərdən bəzilərində narahatçılıq yarada bilər, lakin “Azərbaycan Hava Yolları” QSC üçün prioritet ilk növbədə göyərtədə təhlükəsizliyin təmin edilməsidir.

Etikxeber.az

Read Previous

Düşmən atəşkəs rejimini ümumilikdə 28 dəfə pozub

Read Next

Bazarların bölgüsünə dair prinsiplər müəyyənləşdi

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir


Warning: Unknown: write failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/tmp) in Unknown on line 0