“Azadlıq Radiosu”, “Meydan” TV və daha bir neçə saytın bloklanması barədə qərar – LƏĞV EDİLDİ

Sentyabrın 10-da Ali Məhkəmədə  “Azadlıq” qəzeti, “Azadlıq Radiosu”, “Azərbaycan Saatı” proqramı, “Turan” TV və “Meydan” TV-nin saytlarına blok qoyulmasını nəzərdə tutan qərarla bağlı verilən kassasiya şikayətinə baxılıb.

Etikxeber.az-ın APA-ya istinadən məlumatına görə, hakim Ələsgər Əliyevin sədrliyi ilə keçirilən prosesdə qəbul edilmiş qərara əsasən, saytlara blok qoyulması ilə bağlı qərar ləğv edilərək yenidən baxılması üçün Bakı Apelyasiya Məhkəməsinə göndərilib.

Qeyd edək ki, Səbail Rayon Məhkəməsi Nəqliyyat, Rabitə və Yüksək Texnologiyalar Nazirliyinin iddiası əsasında 2017-ci il mayında “Azadlıq” qəzeti, “Azadlıq Radiosu”, “Azərbaycan Saatı” proqramı, “Turan” TV və “Meydan” TV-nin saytının bloklanması barədə qərar çıxarıb.

Bakı Apelyasiya Məhkəməsi həmin qərardan verilən şikayəti təmin etməyib.

Bakı Apelyasiya Məhkəməsinin qərarından isə Ali Məhkəməyə kassasiya şikayəti verilmişdi. 

Etikxeber.az

Read Previous

“Testi Azərbaycana gətirməyi Firudin Cəlilov təklif etmişdi, Vurğun təmiz insanıydı” – MİSİR MƏRDANOV

Read Next

“Bu seçkilərdə də uğur qazanılacaq…” – ƏLİ ƏHMƏDOV

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir