Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
“Biz büdcənin təqdimatının yeni formasına keçməliyik. Hər təqdimat aparan öz təqdimatını qısa şəkildə aparmalıdır”.
Etikxeber.az xəbər verir ki, bunu Yeni Azərbaycan Partiyasının (YAP) icra katibinin müavini, millət vəkili Siyavuş Novruzov Milli Məclisin (MM) plenar iclasında “Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun 2017-ci il büdcəsi haqqında” Azərbaycan Respublikası qanun layihəsinin müzakirəsi zamanı deyib.
O, bildirib ki, Əmək və Əhali Sosial Müdafiəsi Nazirliyi və Dövlət Sosial Müdafiə Fondu tərəfindən həm pensiyaların hesablanması, həm ünvanlı sosial yardımların verilməsi ilə bağlı böyük islahatlar həyata keçirilib:
“Əvvəllər sosial ünvanlı yarıdm alanlarla bağlı siyahı ortaya çıxmırdı, lakin bu məsələlərin eleketronlaşması istənilən şəxsə bu siyahını əldə etmək imkanı yaradıb. Büdcə müzakirələri zamanı sosial sahə ilə bağlı kifayət qədər fikirlərimizi səsləndirmişik və bütün sahələrdən fərqli olaraq sosial sahədə artımlar göz qabağındadır. Əlillərin mənzil şəraitinin yaxşılaşdırılması və yeni mənzillərin tikilməsinin hər birimiz şahidiyik. Bu baxımdan, qanun layihəsini dəstəkləyir və həmkarlarımı bu layihəyə səs verməyə çağırıram”.
S. Novruzov çıxışı zamanı millət vəkilİ Qüdrət Həsənquliyevin tənqid və təkliflə bağlı fikirlərinə münasibətini bildirib.
Millət vəkilinin sözlərinə görə, tənqidin və təklifin fəlsəfəsinə baxsaq görərik ki, müxalifət tənqid, iqtidar isə müdafiə etməlidir:
“Çünki iqtidar hökumətin özüdür, nümayəndəsidir, ona dəstəkdir. Amma tənqidin də forması olmalıdır. Misal üçün hökuməti tənqid edirsiz, lakin burada əmək və əhalinin sosial müdafiə naziri Səlim Müslümovu müdafə edirsiz. Nəzər alaq ki, Səlim Müslümov da hökumətin üzvüdür. Bu baxımdan, tənqid etdikdə konkret sahəni tənqid etmək lazımdır.
Ümumi qaydada fikir söyləməyə ehtiyac yoxdur. Ümumi fikir deyiləndə də…mətbuatda qeyd olunur ki, hökumət tənqid edildi. Belə olan halda, hər kəs düşünür ki, bu tənqidin ona aiddiyatı yoxdur və yaxud, bəzi həmkarlarımız çıxanda hökumət üzvlərinə bildirir ki, mən səni nəzərdə tutmurdum. Ona görə də söz konkret ünvana deyilməli və həmin şəxs tənqid edilməlidir ki, işindən nəticə çıxarsın.
Bu gün hər kəs Dövlət Sosial Müdafiə Fondu haaqında fikirlərini bildirisə, kənd tərəssürfatı və ya digər sahələrlə bağlı fikirlərini konkret səsləndirməlidir. Çünki hökumətin həm yaxş, həm də pis işləyən üzvü var. Pis işləyən üzvün adını çəkin və münasibətlərinizi də o cür qurun”.
Etikxeber.az
