Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün Birinci Qarabağ Savaşı Şəhidi Oktay Nizam oglu Əliyevin Anım Günüdür.
Bakı şəhərinin Birinci Qarabağ Müharibəsi Şəhidlərindən olan Oktay Əliyevin bu gün Əbədiyyətə uğurlanmasından 30 il keçir.
Etikxeber.az xəbər verir ki, Oktay Əliyev 18 may 1963-cü il tarixində Bakı şəhərinin Əmircan qəsəbəsində anadan olub.
4-cü sinfə kimi Əmircan qəsəbəsindəki 114 saylı orta məktəbdə oxuyub və orta təhsilini Nərimanov rayonunda yerləşən Ərəb-Fars təmayüllü gimnazıyada davam etdirib, oranı fərqlənmə ilə bitirib.
Sonra Moskva şəhərinə gedib, orada bir müddət bizneslə məşqul olub, daha sonra Azərbaycana qayıdıb, ali məktəbə-indiki Dövlət İqtisad Universitetinə qəbul olunub.
Təhsilini dondurub, sovetlər dövründə Əsgərliyə gedib və hərbi xidmətini Moskva şəhərində başa vurub qayıdandan sonra həm təhsilini davam etdirib, həm də işləməyə başlayıb.
8 saylı Dəmir-beton zavodunda işə düzəlib, işində fərqləndiyinə görə zavod drektorunun köməkçisi, armatur-sement sexinin məsul işçisi kimi fəaliyyət göstərib.
Sonra yenidən ali təhsilini yarımçıq qoyub, könüllü şəkildə Birinci Qarabag Müharibəsinə qatılıb, “N” saylı hərbi hissələrin tərkibində Agdam, Agdərə, Füzuli, Laçın,Cəbrayıl və digər cəbhə rayonlarında döyüşüb.
Döyüşlərdə fərqləndiyinə görə “Qrad Otkay” ləgəbi ilə tanınıb.
10 dekabr 1993-cü il tarixində Beyləqan rayonu istiqamətində gedən döyüşlərdə qəhrəmanlıq göstərib və döyüşlərdən sonra itkin düşüb.
Axtarışlardan sonra-22 dekabr 1993-cü il tarixində Cəbrayıl rayon ərazisində, erməni işqalı altında olan səngərdə nəşi tapılıb.
Bu yerdə qeyd edək ki, döyüş-sağ qalan yoldaşlarının dediyinə görə, əsir düşdüklərini görən Oktay Əliyev əlində olan qumbaranı partladıb, özü ilə birlikdə düşmənin 4 əsgərini məhv edib.
Özünün həyatına bahasına digər hərbiçilərimizin həyatını xilas edib.
Və 1993-cü ilin dekabr ayının 22-də Şəhidlər Xiyabanında dəfn olunub.
Hazırda Suraxanı rayonunda adına kücə və yaşadığı binanın qarşısında barelyefi var.
Onu da qeyd edək ki, Şəhidliyindən üç il öncə-1990-cı ildə ailə həyatı qurub.
Hazırda hərbçi-zabit olan Nizamədin adlı bir oğlan övladı dünyaya gəlib.
Oğlu iki övlad atasıdır.
Həyat yoldaşı Nəsibə Əliyeva isə hazırda Respublika Qadınlar Cəmiyyəti və Səhid Ailələrinin Mudafiəsi Cəmiyyətinin Suraxanı rayon söbəsinin sədridir.
Məkanı cənnətlik olsun!
Nur içində yatsın!
Kamil HƏMZƏOĞLU (HƏMİDOV)
Etikxeber.az
