Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Elvin İlham oğlu Məlikov…
Evin-ailənin tək oğlu…
Cəmi 19 yaşlı İkinci Vətən Müharibəsi Şəhidi…
Qeyd edək ki, Elvin Məlikov 2001-ci ilin mart ayının 20-də, Novruz bayramında Bakı şəhərinin Xətai rayonunda dünyaya gəlib…
Sadə, zəhmətkeş bir ailənin övladı olub…
Evin-ailənin üç övladından biri, iki bacının tək qardaşı idi…
Bacılarından biri hazırda BDU-nun magistraturasında oxuyur, digər isə Qərbi Kaspi Universitetinin tələbəsidir…
2007-2018-ci illərdə Xətai rayonunda yerləşən 24 saylı tam orta məktəbdə oxuyub…
Orta məktəbi müvəffəqiyyətlə bitirib…
Uşaq vaxtlarından, məktəb illəriindən həm də hərb sənətinə marağı olub…
Anası İlhamə xanımın dediklərindən:
“Üşaqlıqdan hərbə çox böyük marağı idi…Ona tez-tez oyuncaq avtomatlar, oyuncaq əsgərlər alırdım…Bir gün avtomatı mənzilimizin eyvanından yerə düşərək qırıldı…Elvin çox ağladı…Tez aşağıya düşüb, avtomatını götürüb, birtəhər düzəldib ona verdim… Həm də bayrağımızı çox sevirdi…Hər yerdə bayrağımızla şəkil çəkdirdirdi…Elə axırda da bayrağa bükülüb qayıtdı (gözləri dolur)…”
2018-ci ildə isə Elvin çox vaxtsız şəkildə atasını itirib…
Həm atasının sağlığında, həm də atasını çox vaxtsız itirəndən sonra işləyib, çalışıb, ailəsinə maddi dəstək olmağa çalışıb…
Gürcüstandakı universitetlərdən birinə qəbul olunsa da, təhsilini davam etdirməyib, 2019-cu ildə həqiqi hərbi xidmətə, Əsgərliyə yollanıb…
Əvvəlcə Ağcabədi istiqamətində yerləşən “N” saylı hərbi hissədə qulluq edib, sonra-7 ay isə Cəlilabad rayonunda-Xüsusi Təyinatlı Qüvvələrin “N” saylı hərbi hissəsində xidmət keçib…
Azərbaycan Ordusunun, bir il üç ayın Əsgəri kimi də İkinci Vətən Müharibəsinə qatılıb…
Döyüş yolu cəmi 5 gün çəkib və oktyabrın 1-də Füzuli rayonunun Qaraxanbəyli kəndi istiqamətində döyüşlərdə qəhrəmancasına Şəhidlik məqamına ucalıb…
Nəşi iki gün sonra, 3 oktyabr tarixində İkinci Şəhidlər Xiyabanında Əbədiyyətə uğurlanıb…
Şəhidliyindən sonra medallarla və 3-cü dərəcəli “Vətənə xidmətə görə” ordeni ilə təltif olunub…
19 yaşlı Şəhidimiz həm də subay olub.
***
Anım Günü ilə bağlı bu gün səhər saatlarında Şəhidin İkinci Şəhidlər Xiyabanındakı məzarı ziyarət olunub.
Məzarını ailə üzvləri, Şəhid ailələri, din xadimləri, millət vəkili Vüqar Rəhimzadə və Xətai rayon İcra Hakimiyyətinin başçısı Rafiq Quluyev ziyarət ediblər.
Məzarı üzərinə gül dəstələri düzülüb, ruhuna dualar edilib, Quran” oxunub.
Anası İlhamə xanıma və bacılarına Allahdan səbr və dözüm arzulanıb.
Məkanı cənnətlik, ruhu şad olsun!
Nur içində yatsın!
***
FOTOLAR:
Kamil HƏMZƏOĞLU (HƏMİDOV)
Etikxeber.az
