Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
İcbari tibbi sığorta ölkəmizdə uğurla həyata keçirilir və icbari tibbi sığorta ilbəil genişlənir.
Etikxeber.az-ın xəbərinə görə, bunu Milli Məclisin (MM) Səhiyyə komitəsinin iclasında “İlkin səhiyyə xidməti: mövcud vəziyyət, görülən işlər, problemlər və onların həlli yolları” mövzusunda ictimai dinləmədə komitənin sədri Əhliman Əmiraslanov deyib.
Bildirib ki, ölkəmizdə əhaliyə göstərilən tibbi xidmətin yaxşılaşdırılmasında Birinci vitse-prezident Mehriban Əliyevanın rəhbərlik etdiyi Heydər Əliyev Fondu da böyük işlər görür.
Onun sözlərinə görə, icbari tibbi sığortanın tətbiqində uğurlardan danışmaqla bərabər nəzərə almaq lazımdır ki, əhalinin icbari tibbi sığortadan gözləntiləri böyükdür.
“Hələ də bir çox xəstəliklərin icbari tibbi sığorta ilə əhatə olunmaması əhalinin haqlı narazılığına səbəb olur. Bu gün müzakirə etdiyimiz ilkin səhiyyə xidmətinin yaxşılaşdırılması üçün də xeyli işlər görülür. Ancaq bu sahənin xüsusilə bölgələrimizdə ciddi təkmilləşməyə və islahatlara ehtiyacı var”-deyə, komitə sədri əlavə edib.
Etikxeber.az