Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Əslən Naxçıvanlı olan, özü isə Bakı şəhərində dünyaya gələn İkinci Vətən Müharibəsi Şəhidi İbrahim Şahin oğlu Sadıqlının Anım Günüdür.
Sabah-3 oktyabr 2024-cü il tarixində İbrahim Sadıqlının Şəhadətindən, Şəhidliyə ucalmasından dörd il keçir.
Sabah səhər saatlarında Şəhidin İkinci Şəhidlər Xiyabanındakı məzarı ziyarət olunacaq.
Məzarı üzərinə gül dəstələri düzüləcək, ruhuna dualar ediləcək, “Quran” oxunacaq, məzarını ziyarətdən sonra isə İkinci Şəhidlər Xiyabanındakı Mərasim evində Anım mərasimi düzənlənəcək, adına çay-ehsan süfrəsi açılacaq.
Etikxeber.az xəbər verir ki, İbrahim Sadıqlı 1993-cu ilin 28 iyununda Bakı şəhərində dünyaya gəlib.
Ailənin üç oğlan övladından biri olub.
292 saylı tam orta məktəbdə oxuduğu vaxtlarda idmanın müxtəlif növləri ilə məşğul olub, yüksək nailiyyətlər əldə edib.
2011-2013-cü illərdə həqiqi hərbi xidmətdə olub, Vətənin keşiyində dayanıb.
Hərbi xidmətdən qayıtdıqdan sonra müxtəlif peşələrdə özünü sınayıb.
2016-cı ilin yanvar ayından isə yenidən həyatını Ordu, hərb ilə bağlayıb.
Xüsusi Təyinatlı Qüvvələrin (XTQ) Giziri olub.
2018-ci ildə Çin Xalq Respublikasında keçirilən beynəlxalq snayper kursunda XTQ-dən İbrahim Sadıqlı iştirak edib, yüksək peşəkarlığına, hədəflərin sərrast atəşlə vurmasına görə, 1-ci yeri tutub, döş nişanı və medalla təltif edilib.
Xüsusi Təyinatlı kimi İkinci Vətən Müharibəsinin ilk saniyələrindən döyüşlərə atılıb.
3 oktyabr 2020-ci il tarixində Cəbrayıl istiqamətində qəhrəmancasına Şəhid olub.
Nəşi İkinci Şəhidlər Xiyabanında Əbədiyyətə uğurlanıb.
Şəhidliyindən sonra “Vətən uğrunda“, “Cəbrayılın azad olunmasına görə”, “Füzulinin azad olunmasına görə“, “Kəlbəcərin azad olunmasına görə” medalları və “Qarabağ” ordeni ilə təltif olunub.
Bakı şəhərində, 6-cı mikrorayonda adına küçə verilib.
27 yaşında Şəhadətə ucalan İbrahim Sadıqlı həm də subay olub.
Onu da qeyd edək ki, İbrahim Sadıqlının bir neçə qohumu, o cümlədən Vətən Müharibəsi Qəhrəmanı Adil İbrahimli və 3-cü dərəcəli “Rəşadət” ordenli Kənan Süleymanlı İkinci Vətən Müharibəsi Şəhididir.
Məkanı cənnətlik olsun!
Nur içində yatsın!
Kamil HƏMZƏOĞLU (HƏMİDOV)
Etikxeber.az
