Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Ağdam rayonunun Antiterror Şəhidlərindən olan Elmin Rafət oğlu Qarayevin doğum günüdür.
Ailənin dörd övladından, iki qardaşdan biri, ailəli, bir övlad atası, MAXE, Kiçik çavuş, İkinci Vətən Müharibəsi iştirakçısı, bir neçə medallı və 3-cü dərəcəli “Vətənə xidmətə görə” ordenli Elmin Qarayevin bu gün-15 dekabr 2024-cü il tarixində 25 yaşı tamam olur.
Bu, həm də Şəhidin Cənnətdəki ikinci doğum günü, mövlududur.
Cənnətdəki ikinci doğum günü ilə bağlı bu gün səhər saatlarında Şəhidin Quzanlı qəsəbə qəbiristanlığındakı Şəhidlər Xiyabanında məzarı ziyarət olunub.
Etikxeber.az xəbər verir ki, 1999-cu ilin 15 dekabr tarixində Ağdamın Üçoğlan kəndində dünyaya gələn, 23 saatlıq Antiterror əməliyyatı zamanı-19 sentyabr 2023-cü il tarixində Ağdərə istiqamətində Şəhidlik zirvəsinə ucalan Elmin Qarayevin məzarı üzərinə gül dəstələri düzülüb, ruhuna dualar edilib, “Quran” oxunub.
Qısa çıxışlar olunub, ailəsinə Allahdan səbr və dözüm arzulanıb, Cənnətdəki ikinci doğum günü təbrik edilib.
Məktəblilər tərəfindən Vətənə, Şəhidlərə həsr olunmuş şeirlər səsləndirilib.
Şəhidin məzarını ziyarətdən sonra Xındırıstan kənd məscidində Cənnətdəki ikinci doğum günü ilə bağlı məclis düzənlənib, adına ehsan süfrəsi açılıb, ruhuna bir daha dualar edilib.
Məkanı cənnətlik, Cənnətdəki ikinci doğum günü mübarək olsun!
Nur içində yatsın!
15:13
***
Kamil HƏMZƏOĞLU (HƏMİDOV)
Etikxeber.az
