Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gecə təcavüzkar Ermənistanın işğalçı ordusu Azərbaycanın Qarabağ istiqamətdə sərhədlərimizi ağır artileriya ilə atəş açaraq hücum etmişdir. Azərbaycanın Qəhrəman Milli Ordusu təcavüzkar Ermənistanın alçaq hücumunun qarşısının alınması üçün hər cür tədbirlər görmüş və gölməkdədir. Azərbaycan xalqı Ali Baş Komandanın və Milli Ordusunun arxasındadır. Azərbaycanın ümümxalq birliyi mənfur erməniləri qorxudan lərzəyə salmışdır. Allah Milli Ordumuzu müzəffər etsin. Azərbaycan Xalqı Ali Baş Komandanına və Milli Ordusuna inanır və güvənir.
Etikxeber.az xəbər verir ki, bunu millət vəkili Məlahət İbrahimqızı deyib.
Qeyd edib ki, Azərbaycanın müzəffər və müsəlləh Milli Ordusu artıq 7 kəndimizi işğaldan azad etmiş, o cümlədən, Ağdərə və Murovdağdakı strateji-hakim yüksəklikləri nəzarətə götürmüşdür.
Onun sözlərinə görə, Azərbaycan Ordusu bu gün növbəti dəfə zəfər yazmış və yazmaqdadır.
“Odur ki, yaşadığı regiondan, tutduğu mövqədən, sosial durumundan asılı olmayaraq, hər bir kəs həmrəylik göstərib vahid mövqedən çıxış etməlidir və edir. Lazım olarsa, hər birimiz gedib cəbhədə vuruşub canımızı qurban verməyə hazır olmalıyıq və hazırıq. Bizim işimiz haqq işidir və biz mütləq qalib gələcəyik, qələbə çalacağıq.
Dövlət başçımızın Təhlükəsizlik Şurasının iclasında da qeyd etdiyi kimi, biz heç kimin torpağına göz dikməmişik, heç kimin torpağında, Ermənistan ərazisində Azərbaycan silahlı birləşmələrinin heç bir məqsədi, hədəfi yoxdur. Ümumiyyətlə, bizim başqa ölkələrin torpağında gözümüz yoxdur.
Amma öz torpağımızı heç kimə verən deyilik. Heç vaxt imkan verə bilmərik ki, Azərbaycan torpaqlarında ikinci qondarma erməni dövləti yaradılsın. Heç vaxt imkan verə bilmərik və bugünkü hadisələr onu bir daha göstərir. Biz öz torpağımızda özümüzü müdafiə edəcəyik və işğal edilmiş torpaqlarımızı işğalçılardan azad edəcəyik”-deyə, millət vəkili əlavə edib.
Etikxeber.az
