“BMT BA-da Türk Şurasına müşahidəçi statusunun verilməsi istiqamətində iş davam edir” – AYDARBEKOV

Bugünkü görüşümüz Naxçıvanda Türk Şurasının yaradılması ilə bağlı imzalanmış sazişin 10 illiyinə təsadüf edir.  

Etikxeber.az məlumat verir ki, bunu bu gün Bakıda keçirilən Türkdilli Dövlətlərin Əməkdaşlıq Şurası (Türk Şurası) Xarici İşlər Nazirləri Şurasının toplantısında Qırğız Respublikasının Xarici İşlər naziri Çingiz Aydarbekov deyib.

Nazir bildirib ki, Türk Şurasında fəaliyyət qarşılıqlı etimada əsaslanır: “Türk Şurasının Xarici İşlər Nazirlər Şurasının iclası bərabərlik, etibarlılıq və qarşılıqlı etimad əsasında əməkdaşlığın inkişafına təkan verir. BMT Baş Assambleyasında Türk Şurasına müşahidəçi statusunun verilməsi istiqamətində iş davam edir”.  

O, qeyd edib ki, Türk Şurasının Bakıda keçirilən Zirvə Görüşü kiçik və orta biznesin inkişafına həsr olunacaq: “2019-cu ilin may ayında Qazaxıstanda Türk Şurası Ticarət Palatası yaradılıb və iyun ayında İstanbulda açılış mərasimi keçirilib”.

Ç. Aydarbekov diqqətə çatdırıb ki, Qırğız Respublikası Türk Şurasında əməkdaşlığın inkişafı üçün töhfələrini əsirgəməyəcək. 

Etikxeber.az

Read Previous

Türk Şurasının Bakı Zirvəsinə dair infoqrafika hazırlandı…

Read Next

“Barış pınarı”na görə – TÜRKİYƏDƏN AZƏRBAYCANA TƏŞƏKKÜR

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir