Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Kürdəmir rayonunun İkinci Vətən Müharibəsi Şəhidlərindən olan Baş leytenant Ramil Taqət oğlu Babayevin doğum günüdür.
Bu gün-12 dekabr 2025-ci il tarixində Ramil Babayevin 34 yaşı tamam olur.
Bu, həm də Şəhidin Cənnətdəki beşinci, əslində isə altıncı doğum günüdür.
Etikxeber.az-ın xəbərinə görə, 1991-ci ilin dekabr ayının 12-də dünyaya gələn Ramil Babayev evin-ailənin dörd övladından biri idi.
Ailədə 2 qardaş, 2 bacı olublar.
Tək qardaşı Röyal və bacıları ailəlidir.
O, 15 yaşında, 9-cu sinfi bitirdikdən sonra həyatını hərblə bağlayıb.
Əvvəlçə Cəmşid Naxçıvanski adına Hərbi Liseyi bitirib, sonra Hərbi Akademiyaya (Heydər Əliyev adına Ali Hərbi Məktəbə) daxil olub və oranı başa vurub.
2016-ci ilin Aprel döyüşlərinin iştirakçısı olub.
Baş leytenant (Kapitan) hərbi rütbəsini daşıyıb.
İkinci Vətən Müharibəsi başlayan zaman isə Murovdağ istiqamətində döyüşlərdə olub və müharibənin 3-cü günündə, sentyabrın 29-da Şəhadətinə qovuşub.
Ancaq nəşini düz 4 ay iki gündən sonra əldə etmək mümkün olub.
2021-ci ilin yanvarın 31-də Kürdəmir Şəhidlər Xiyabanında torpağa tapşırılıb.
Şəhidliyindən sonra 3 medalla-“İgidliyə görə”, “Vətən uğrunda”, “Suqovuşanın azad olunmasına görə” medalları və 3-cü dərəcəli “Rəşadət” ordeni ilə ilə təltif olunub.
Ramil Babayev həm də ailəli, iki övlad-bir qız və bir oğlan atası olub.
Ad və soyadını daşıyan oğlu-balaca Ramil Babazadə Şəhidin dəfnindən 14 gün öncə dünyaya gəlib.
Qızı Mədinə bu il orta məktəbdə-birinci sinifdə oxuyur.
Həmçinin, İkinci Vətən Müharibəsində Ramil Babayevin iki tələbə, iki otaq yoldaşı və iki dostu – Şabranlı Tərlan, İmişlili Cavid də Şəhid olub, Şəhidlik məqamına ucalıblar.
Adını daşıyan küçə var.
Məkanı cənnətlik, Cənnətdəki beşinci (altıncı) doğum günü mübarək olsun!
Nur içində yatsın!
Kamil HƏMZƏOĞLU
Etikxeber.az
